Plato, Euthydemus, Protagoras, Gorgias, Meno, Γοργίας 171:

ἢ οὐκ ἀνάγκη; ναί. φέρε δή, πῶσ ἐλέγετο νυνδὴ περὶ τοῦ ἀδικεῖν καὶ ἀδικεῖσθαι; οὐκ ἔλεγεσ τὸ μὲν ἀδικεῖσθαι κάκιον εἶναι, τὸ δὲ ἀδικεῖν αἴσχιον; ἔλεγον. οὐκοῦν εἴπερ αἴσχιον τὸ ἀδικεῖν τοῦ ἀδικεῖσθαι, ἤτοι λυπηρότερόν ἐστιν καὶ λύπῃ ὑπερβάλλον αἴσχιον ἂν εἰή ἢ κακῷ ἢ ἀμφοτέροισ; οὐ καὶ τοῦτο ἀνάγκη; πῶσ γὰρ οὔ; πρῶτον μὲν δὴ σκεψώμεθα, ἆρα λύπῃ ὑπερβάλλει τὸ ἀδικεῖν τοῦ ἀδικεῖσθαι, καὶ ἀλγοῦσι μᾶλλον οἱ ἀδικοῦντεσ ἢ οἱ ἀδικούμενοι;