Plato, Euthydemus, Protagoras, Gorgias, Meno, Γοργίας 131:

οὐκοῦν εἴπερ ταῦτα ὁμολογοῦμεν, εἴ τισ ἀποκτείνει τινὰ ἢ ἐκβάλλει ἐκ πόλεωσ ἢ ἀφαιρεῖται χρήματα, εἴτε τύραννοσ ὢν εἴτε ῥήτωρ, οἰόμενοσ ἄμεινον εἶναι αὐτῷ, τυγχάνει δὲ ὂν κάκιον, οὗτοσ δήπου ποιεῖ ἃ δοκεῖ αὐτῷ· ἦ γάρ; ναί. ἆρ’ οὖν καὶ ἃ βούλεται, εἴπερ τυγχάνει ταῦτα κακὰ ὄντα; τί οὐκ ἀποκρίνῃ; ἀλλ’ οὔ μοι δοκεῖ ποιεῖν ἃ βούλεται. ἔστιν οὖν ὅπωσ ὁ τοιοῦτοσ μέγα δύναται ἐν τῇ πόλει ταύτῃ, εἴπερ ἐστὶ τὸ μέγα δύνασθαι ἀγαθόν τι κατὰ τὴν σὴν ὁμολογίαν;