Plato, Euthydemus, Protagoras, Gorgias, Meno, Γοργίας 92:

καὶ νῦν δὴ τούτων ὁπότερον βούλει ποίει, ἐρώτα ἢ ἀποκρίνου. ἀλλὰ ποιήσω ταῦτα. καί μοι ἀπόκριναι, ὦ Σώκρατεσ· ἐπειδὴ Γοργίασ ἀπορεῖν σοι δοκεῖ περὶ τῆσ ῥητορικῆσ, σὺ αὐτὴν τίνα φῂσ εἶναι; ἆρα ἐρωτᾷσ ἥντινα τέχνην φημὶ εἶναι; ἔγωγε. οὐδεμία ἔμοιγε δοκεῖ, ὦ Πῶλε, ὥσ γε πρὸσ σὲ τἀληθῆ εἰρῆσθαι. ἀλλὰ τί σοι δοκεῖ ἡ ῥητορικὴ εἶναι; πρᾶγμα ὃ φῂσ σὺ ποιῆσαι τέχνην ἐν τῷ συγγράμματι ὃ ἐγὼ ἔναγχοσ ἀνέγνων.