Plato, Euthydemus, Protagoras, Gorgias, Meno, Γοργίας 87:

‐ ἀλλ’ εἰσ τὰ τοιαῦτα ἄγειν πολλὴ ἀγροικία ἐστὶν τοὺσ λόγουσ. ὦ κάλλιστε Πῶλε, ἀλλά τοι ἐξεπίτηδεσ κτώμεθα ἑταίρουσ καὶ ὑεῖσ, ἵνα ἐπειδὰν αὐτοὶ πρεσβύτεροι γενόμενοι σφαλλώμεθα, παρόντεσ ὑμεῖσ οἱ νεώτεροι ἐπανορθῶτε ἡμῶν τὸν βίον καὶ ἐν ἔργοισ καὶ ἐν λόγοισ. καὶ νῦν εἴ τι ἐγὼ καὶ Γοργίασ ἐν τοῖσ λόγοισ σφαλλόμεθα, σὺ παρὼν ἐπανόρθου ‐ δίκαιοσ δ’ εἶ ‐ καὶ ἐγὼ ἐθέλω τῶν ὡμολογημένων εἴ τί σοι δοκεῖ μὴ καλῶσ ὡμολογῆσθαι, ἀναθέσθαι ὅτι ἂν σὺ βούλῃ, ἐάν μοι ἓν μόνον φυλάττῃσ. τί τοῦτο λέγεισ;