Plato, Euthydemus, Protagoras, Gorgias, Meno, Γοργίας 81:

οὐκοῦν ἀνάγκη τὸν ῥητορικὸν δίκαιον εἶναι, τὸν δὲ δίκαιον βούλεσθαι δίκαια πράττειν; φαίνεταί γε. οὐδέποτε ἄρα βουλήσεται ὅ γε δίκαιοσ ἀδικεῖν. ἀνάγκη. τὸν δὲ ῥητορικὸν ἀνάγκη ἐκ τοῦ λόγου δίκαιον εἶναι. ναί. οὐδέποτε ἄρα βουλήσεται ὁ ῥητορικὸσ ἀδικεῖν. οὐ φαίνεταί γε. μέμνησαι οὖν λέγων ὀλίγῳ πρότερον ὅτι οὐ δεῖ τοῖσ παιδοτρίβαισ ἐγκαλεῖν οὐδ’ ἐκβάλλειν ἐκ τῶν πόλεων, ἐὰν ὁ πύκτησ τῇ πυκτικῇ χρῆταί τε καὶ ἀδίκωσ χρῆται καὶ ἀδικῇ, ὡσαύτωσ δὲ οὕτωσ καὶ ἐὰν ὁ ῥήτωρ τῇ ῥητορικῇ ἀδίκωσ χρῆται, μὴ τῷ διδάξαντι ἐγκαλεῖν μηδ’ ἐξελαύνειν ἐκ τῆσ πόλεωσ, ἀλλὰ τῷ ἀδικοῦντι καὶ οὐκ ὀρθῶσ χρωμένῳ τῇ ῥητορικῇ;