Plato, Euthydemus, Protagoras, Gorgias, Meno, Γοργίας 80:

πάνυ γε. τί οὖν; ὁ τὰ τεκτονικὰ μεμαθηκὼσ τεκτονικόσ, ἢ οὔ; ναί. οὐκοῦν καὶ ὁ τὰ μουσικὰ μουσικόσ; ναί. καὶ ὁ τὰ ἰατρικὰ ἰατρικόσ; καὶ τἆλλα οὕτω κατὰ τὸν αὐτὸν λόγον, ὁ μεμαθηκὼσ ἕκαστα τοιοῦτόσ ἐστιν οἱο͂ν ἡ ἐπιστήμη ἕκαστον ἀπεργάζεται; πάνυ γε. οὐκοῦν κατὰ τοῦτον τὸν λόγον καὶ ὁ τὰ δίκαια μεμαθηκὼσ δίκαιοσ; πάντωσ δήπου. ὁ δὲ δίκαιοσ δίκαιά που πράττει. ναί.