Plato, Euthydemus, Protagoras, Gorgias, Meno, Γοργίας 31:

ὅτι εἴ σοι αὐτίκα παρασταῖεν οἱ δημιουργοὶ τούτων ὧν ἐπῄνεσεν ὁ τὸ σκολιὸν ποιήσασ, ἰατρόσ τε καὶ παιδοτρίβησ καὶ χρηματιστήσ, καὶ εἴποι πρῶτον μὲν ὁ ἰατρὸσ ὅτι "ὦ Σώκρατεσ, ἐξαπατᾷ σε Γοργίασ· οὐ γάρ ἐστιν ἡ τούτου τέχνη περὶ τὸ μέγιστον ἀγαθὸν τοῖσ ἀνθρώποισ, ἀλλ’ ἡ ἐμή" ‐ εἰ οὖν αὐτὸν ἐγὼ ἐροίμην· σὺ δὲ τίσ ὢν ταῦτα λέγεισ; εἴποι ἂν ἴσωσ ὅτι ἰατρόσ. τί οὖν λέγεισ; ἦ τὸ τῆσ σῆσ τέχνησ ἔργον μέγιστόν ἐστιν ἀγαθόν; "πῶσ γὰρ οὔ," φαίη ἂν ἴσωσ, "ὦ Σώκρατεσ, ὑγίεια; τί δ’ ἐστὶν μεῖζον ἀγαθὸν ἀνθρώποισ ὑγιείασ;