Plato, Euthydemus, Protagoras, Gorgias, Meno, Πρωταγόρας 408:

μέμνησαι, ἦν δ’ ἐγώ, ὦ Πρωταγόρα, ταῦτα ἀποκρινόμενοσ; ὡμολόγει. ἴθι δή, ἔφην ἐγώ, εἰπὲ ἡμῖν, ἐπὶ τί λέγεισ ἴτασ εἶναι τοὺσ ἀνδρείουσ; ἦ ἐφ’ ἅπερ οἱ δειλοί; οὐκ ἔφη. οὐκοῦν ἐφ’ ἕτερα. ναί, ἦ δ’ ὅσ. πότερον οἱ μὲν δειλοὶ ἐπὶ τὰ θαρραλέα ἔρχονται, οἱ δὲ ἀνδρεῖοι ἐπὶ τὰ δεινά; λέγεται δή, ὦ Σώκρατεσ, οὕτωσ ὑπὸ τῶν ἀνθρώπων. ἀληθῆ, ἔφην ἐγώ, λέγεισ· ἀλλ’ οὐ τοῦτο ἐρωτῶ, ἀλλὰ σὺ ἐπὶ τί φῂσ ἴτασ εἶναι τοὺσ ἀνδρείουσ;