Plato, Euthydemus, Protagoras, Gorgias, Meno, Πρωταγόρας 392:

ἆρ’ ἂν οὐκ ἐπιστήμη; καὶ ἆρ’ ἂν οὐ μετρητική τισ, ἐπειδήπερ ὑπερβολῆσ τε καὶ ἐνδείασ ἐστὶν ἡ τέχνη; ἐπειδὴ δὲ περιττοῦ τε καὶ ἀρτίου, ἆρα ἄλλη τισ ἢ ἀριθμητική; Ὁμολογοῖεν ἂν ἡμῖν οἱ ἄνθρωποι ἢ οὔ; ἐδόκουν ἂν καὶ τῷ Πρωταγόρᾳ ὁμολογεῖν. εἰε͂ν, ὦ ἄνθρωποι· ἐπεὶ δὲ δὴ ἡδονῆσ τε καὶ λύπησ ἐν ὀρθῇ τῇ αἱρέσει ἐφάνη ἡμῖν ἡ σωτηρία τοῦ βίου οὖσα, τοῦ τε πλέονοσ καὶ ἐλάττονοσ καὶ μείζονοσ καὶ σμικροτέρου καὶ πορρωτέρω καὶ ἐγγυτέρω, ἆρα πρῶτον μὲν οὐ μετρητικὴ φαίνεται, ὑπερβολῆσ τε καὶ ἐνδείασ οὖσα καὶ ἰσότητοσ πρὸσ ἀλλήλασ σκέψισ;