Plato, Euthydemus, Protagoras, Gorgias, Meno, Πρωταγόρας 335:

ἔγωγε, ὅτι οἱ κολυμβηταί. πότερον διότι ἐπίστανται ἢ δι’ ἄλλο τι; ὅτι ἐπίστανται. τίνεσ δὲ ἀπὸ τῶν ἵππων πολεμεῖν θαρραλέοι εἰσίν; πότερον οἱ ἱππικοὶ ἢ οἱ ἄφιπποι; οἱ ἱππικοί. τίνεσ δὲ πέλτασ ἔχοντεσ; οἱ πελταστικοὶ ἢ οἱ μή; οἱ πελταστικοί. καὶ τὰ ἄλλα γε πάντα, εἰ τοῦτο ζητεῖσ, ἔφη, οἱ ἐπιστήμονεσ τῶν μὴ ἐπισταμένων θαρραλεώτεροί εἰσιν, καὶ αὐτοὶ ἑαυτῶν ἐπειδὰν μάθωσιν ἢ πρὶν μαθεῖν. ἤδη δέ τινασ ἑώρακασ, ἔφην, πάντων τούτων ἀνεπιστήμονασ ὄντασ, θαρροῦντασ δὲ πρὸσ ἕκαστα τούτων;