Plato, Euthydemus, Protagoras, Gorgias, Meno, Πρωταγόρας 278:

ἀλλ’ ἐξαρνοῦνται καὶ σχηματίζονται ἀμαθεῖσ εἶναι, ἵνα μὴ κατάδηλοι ὦσιν ὅτι σοφίᾳ τῶν Ἑλλήνων περίεισιν, ὥσπερ οὓσ Πρωταγόρασ ἔλεγε τοὺσ σοφιστάσ, ἀλλὰ δοκῶσιν τῷ μάχεσθαι καὶ ἀνδρείᾳ περιεῖναι, ἡγούμενοι, εἰ γνωσθεῖεν ᾧ περίεισιν, πάντασ τοῦτο ἀσκήσειν, τὴν σοφίαν. νῦν δὲ ἀποκρυψάμενοι ἐκεῖνο ἐξηπατήκασιν τοὺσ ἐν ταῖσ πόλεσι λακωνίζοντασ, καὶ οἱ μὲν ὦτά τε κατάγνυνται μιμούμενοι αὐτούσ, καὶ ἱμάντασ περιειλίττονται καὶ φιλογυμναστοῦσιν καὶ βραχείασ ἀναβολὰσ φοροῦσιν, ὡσ δὴ τούτοισ κρατοῦντασ τῶν Ἑλλήνων τοὺσ Λακεδαιμονίουσ·