Plato, Euthydemus, Protagoras, Gorgias, Meno, Πρωταγόρας 184:

συνεχώρει. οὐκοῦν εἴπερ ἐναντίωσ πράττεται, ὑπὸ ἐναντίου πράττοιτ’ ἄν; ναί. πράττεται δὲ τὸ μὲν ὑπὸ σωφροσύνησ, τὸ δὲ ὑπὸ ἀφροσύνησ; ναί. ἐναντίωσ; πάνυ γε. οὐκοῦν ὑπὸ ἐναντίων ὄντων; ναί. ἐναντίον ἄρ’ ἐστὶν ἀφροσύνη σωφροσύνησ; φαίνεται. μέμνησαι οὖν ὅτι ἐν τοῖσ ἔμπροσθεν ὡμολόγηται ἡμῖν ἀφροσύνη σοφίᾳ ἐναντίον εἶναι; συνωμολόγει. ἓν δὲ ἑνὶ μόνον ἐναντίον εἶναι;