Plato, Euthydemus, Protagoras, Gorgias, Meno, Πρωταγόρας 18:

παρὰ δὲ δὴ Πρωταγόραν νῦν ἀφικόμενοι ἐγώ τε καὶ σὺ ἀργύριον ἐκείνῳ μισθὸν ἕτοιμοι ἐσόμεθα τελεῖν ὑπὲρ σοῦ, ἂν μὲν ἐξικνῆται τὰ ἡμέτερα χρήματα καὶ τούτοισ πείθωμεν αὐτόν, εἰ δὲ μή, καὶ τὰ τῶν φίλων προσαναλίσκοντεσ. εἰ οὖν τισ ἡμᾶσ περὶ ταῦτα οὕτω σφόδρα σπουδάζοντασ ἔροιτο· "εἰπέ μοι, ὦ Σώκρατέσ τε καὶ Ἱππόκρατεσ, ὡσ τίνι ὄντι τῷ Πρωταγόρᾳ ἐν νῷ ἔχετε χρήματα τελεῖν; τί ἂν αὐτῷ ἀποκριναίμεθα;