Plato, Euthydemus, Protagoras, Gorgias, Meno, Εὐθύδημος 398:

μάγειρον, ἦν δ’ ἐγώ. οὐκοῦν ἐάν τισ, ἔφη, τὰ προσήκοντα πράττῃ, ὀρθῶσ πράξει; μάλιστα. προσήκει δέ γε, ὡσ φῄσ, τὸν μάγειρον κατακόπτειν καὶ ἐκδέρειν; ὡμολόγησασ ταῦτα ἢ οὔ; ὡμολόγησα, ἔφην, ἀλλὰ συγγνώμην μοι ἔχε. δῆλον τοίνυν, ἦ δ’ ὅσ, ὅτι ἄν τισ σφάξασ τὸν μάγειρον καὶ κατακόψασ ἑψήσῃ καὶ ὀπτήσῃ, τὰ προσήκοντα ποιήσει· καὶ ἐὰν τὸν χαλκέα τισ αὐτὸν χαλκεύῃ καὶ τὸν κεραμέα κεραμεύῃ, καὶ οὗτοσ τὰ προσήκοντα πράξει.