Plato, Euthydemus, Protagoras, Gorgias, Meno, Εὐθύδημος 380:

καὶ ὁ Κτήσιπποσ, ὥσπερ εἰώθει, μέγα πάνυ ἀνακαγχάσασ, ὦ Εὐθύδημε, ἔφη, ὁ ἀδελφόσ σου ἐξημφοτέρικεν τὸν λόγον, καὶ ἀπόλωλέ τε καὶ ἥττηται. καὶ ὁ Κλεινίασ πάνυ ἥσθη καὶ ἐγέλασεν, ὥστε ὁ Κτήσιπποσ ἐγένετο πλεῖον ἢ δεκαπλάσιοσ. ὁ δέ μοι δοκεῖ ἅτε πανοῦργοσ ὤν, ὁ Κτήσιπποσ, παρ’ αὐτῶν τούτων αὐτὰ ταῦτα παρηκηκόει· οὐ γάρ ἐστιν ἄλλων τοιαύτη σοφία τῶν νῦν ἀνθρώπων.