Plato, Euthydemus, Protagoras, Gorgias, Meno, Εὐθύδημος 88:

συνωμολογησάμεθα τελευτῶντεσ οὐκ οἶδ’ ὅπωσ ἐν κεφαλαίῳ οὕτω τοῦτο ἔχειν, σοφίασ παρούσησ, ᾧ ἂν παρῇ, μηδὲν προσδεῖσθαι εὐτυχίασ· ἐπειδὴ δὲ τοῦτο συνωμολογησάμεθα, πάλιν ἐπυνθανόμην αὐτοῦ τὰ πρότερον ὡμολογημένα πῶσ ἂν ἡμῖν ἔχοι. ὡμολογήσαμεν γάρ, ἔφην, εἰ ἡμῖν ἀγαθὰ πολλὰ παρείη, εὐδαιμονεῖν ἂν καὶ εὖ πράττειν. συνέφη. ἆρ’ οὖν εὐδαιμονοῖμεν ἂν διὰ τὰ παρόντα ἀγαθά, εἰ μηδὲν ἡμᾶσ ὠφελοῖ ἢ εἰ ὠφελοῖ; εἰ ὠφελοῖ, ἔφη. ἆρ’ οὖν ἄν τι ὠφελοῖ, εἰ εἰή μόνον ἡμῖν, χρῴμεθα δ’ αὐτοῖσ μή;