Plato, Euthydemus, Protagoras, Gorgias, Meno, Εὐθύδημος 52:

καὶ ὁ Εὐθύδημοσ, καλεῖσ δέ τινασ, ἔφη, διδασκάλουσ, ἢ οὔ; ὡμολόγει. οὐκοῦν τῶν μανθανόντων οἱ διδάσκαλοι διδάσκαλοί εἰσιν, ὥσπερ ὁ κιθαριστὴσ καὶ ὁ γραμματιστὴσ διδάσκαλοι δήπου ἦσαν σοῦ καὶ τῶν ἄλλων παίδων, ὑμεῖσ δὲ μαθηταί; συνέφη. ἄλλο τι οὖν, ἡνίκα ἐμανθάνετε, οὔπω ἠπίστασθε ταῦτα ἃ ἐμανθάνετε; οὐκ ἔφη. ἆρ’ οὖν σοφοὶ ἦτε, ὅτε ταῦτα οὐκ ἠπίστασθε;