Plato, Euthydemus, Protagoras, Gorgias, Meno, Εὐθύδημος 14:

ἰδὼν οὖν με ὁ Κλεινίασ ἀπὸ τῆσ εἰσόδου μόνον καθήμενον, ἄντικρυσ ἰὼν παρεκαθέζετο ἐκ δεξιᾶσ, ὥσπερ καὶ σὺ φῄσ. ἰδόντε δὲ αὐτὸν ὅ τε Διονυσόδωροσ καὶ ὁ Εὐθύδημοσ πρῶτον μὲν ἐπιστάντε διελεγέσθην ἀλλήλοιν, ἄλλην καὶ ἄλλην ἀποβλέποντε εἰσ ἡμᾶσ ‐ καὶ γὰρ πάνυ αὐτοῖν προσεῖχον τὸν νοῦν ‐ ἔπειτα ἰόντε ὁ μὲν παρὰ τὸ μειράκιον ἐκαθέζετο, ὁ Εὐθύδημοσ, ὁ δὲ παρ’ αὐτὸν ἐμὲ ἐξ ἀριστερᾶσ, οἱ δ’ ἄλλοι ὡσ ἕκαστοσ ἐτύγχανεν.