Plato, Euthydemus, Protagoras, Gorgias, Meno, Εὐθύδημος 10:

καὶ σὺ τί οὐ συμφοιτᾷσ; ὡσ δὲ δέλεαρ αὐτοῖσ ἄξομεν τοὺσ σοὺσ ὑεῖσ· ἐφιέμενοι γὰρ ἐκείνων οἶδ’ ὅτι καὶ ἡμᾶσ παιδεύσουσιν. ἀλλ’ οὐδὲν κωλύει, ὦ Σώκρατεσ, ἐάν γε σοὶ δοκῇ. πρῶτον δέ μοι διήγησαι τὴν σοφίαν τοῖν ἀνδροῖν τίσ ἐστιν, ἵνα εἰδῶ ὅτι καὶ μαθησόμεθα. οὐκ ἂν φθάνοισ ἀκούων· ὡσ οὐκ ἂν ἔχοιμί γε εἰπεῖν ὅτι οὐ προσεῖχον τὸν νοῦν αὐτοῖν, ἀλλὰ πάνυ καὶ προσεῖχον καὶ μέμνημαι, καί σοι πειράσομαι ἐξ ἀρχῆσ ἅπαντα διηγήσασθαι.