Plato, Euthydemus, Protagoras, Gorgias, Meno, Εὐθύδημος 8:

καὶ γάρ φατον ἐν ὀλίγῳ χρόνῳ ποιῆσαι ἂν καὶ ἄλλον ὁντινοῦν τὰ αὐτὰ ταῦτα δεινόν. τί δέ, ὦ Σώκρατεσ; οὐ φοβῇ τὴν ἡλικίαν, μὴ ἤδη πρεσβύτεροσ ᾖσ; ἥκιστά γε, ὦ Κρίτων· ἱκανὸν τεκμήριον ἔχω καὶ παραμύθιον τοῦ μὴ φοβεῖσθαι. αὐτὼ γὰρ τούτω, ὡσ ἔποσ εἰπεῖν, γέροντε ὄντε ἠρξάσθην ταύτησ τῆσ σοφίασ ἧσ ἔγωγε ἐπιθυμῶ, τῆσ ἐριστικῆσ· πέρυσιν ἢ προπέρυσιν οὐδέπω ἤστην σοφώ. ἀλλ’ ἐγὼ ἓν μόνον φοβοῦμαι, μὴ αὖ ὄνειδοσ τοῖν ξένοιν περιάψω, ὥσπερ Κόννῳ τῷ Μητροβίου, τῷ κιθαριστῇ, ὃσ ἐμὲ διδάσκει ἔτι καὶ νῦν κιθαρίζειν·