Pindar, Odes, nemean odes, nemean 2 ΤΙΜΟΔΗΜῼ ΑΧΑΡΝΕΙ ΠΑΓΚΡΑΤΙΑΣΤῌ

(핀다르, Odes, nemean odes, nemean 2 ΤΙΜΟΔΗΜῼ ΑΧΑΡΝΕΙ ΠΑΓΚΡΑΤΙΑΣΤῌ)

ὅθεν περ καὶ Ὁμηρίδαι ῥαπτῶν ἐπέων τὰ πόλλ’ ἀοιδοὶ ἄρχονται, Διὸσ ἐκ προοιμίου· καὶ ὅδ’ ἀνὴρ καταβολὰν ἱερῶν ἀγώνων νικαφορίασ δέδεκται πρῶτον Νεμεαίου ἐν πολυυμνήτῳ Διὸσ ἄλσει. ὀφείλει δ’ ἔτι, πατρίαν εἴπερ καθ’ ὁδόν νιν εὐθυπομπὸσ αἰὼν ταῖσ μεγάλαισ δέδωκε κόσμον Ἀθάναισ, θαμὰ μὲν Ἰσθμιάδων δρέπεσθαι κάλλιστον ἀώτον, ἐν Πυθίοισί τε νικᾶν Τιμονόου παῖδ’·

ὀρειᾶν γε Πελειάδων μὴ τηλόθεν Ωἀρίωνα νεῖσθαι.

καὶ μὰν ἁ Σαλαμίσ γε θρέψαι φῶτα μαχατὰν δυνατόσ.

ἐν Τρωί̈ᾳ μὲν Ἕκτωρ Αἰάντοσ ἄκουσεν· ὦ Τιμόδημε, σὲ δ’ ἀλκὰ παγκρατίου τλάθυμοσ ἀέξει. Ἀχάρναι δὲ παλαίφατοι εὐάνορεσ·

ὅσσα δ’ ἀμφ’ ἀέθλοισ, Τιμοδημίδαι ἐξοχώτατοι προλέγονται. παρὰ μὲν ὑψιμέδοντι Παρνασῷ τέσσαρασ ἐξ ἀέθλων νίκασ ἐκόμιξαν·

ἀλλὰ Κορινθίων ὑπὸ φωτῶν ἐν ἐσλοῦ Πέλοποσ πτυχαῖσ ὀκτὼ στεφάνοισ ἔμιχθεν ἤδη· ἑπτὰ δ’ ἐν Νεμέᾳ τὰ δ’ οἴκοι μάσσον’ ἀριθμοῦ Διὸσ ἀγῶνι.

τόν, ὦ πολῖται, κωμάξατε Τιμοδήμῳ σὺν εὐκλέϊ νόστῳ· ἁδυμελεῖ δ’ ἐξάρχετε φωνᾷ.

일치하는 문장이 없습니다.

SEARCH

MENU NAVIGATION