헬라어 문장 검색 - Πινδαρ́ΟδεσΓρέ3́02́

(핀다르, Odes, nemean odes, nemean 2 ΤΙΜΟΔΗΜῼ ΑΧΑΡΝΕΙ ΠΑΓΚΡΑΤΙΑΣΤῌ)

ὅθεν περ καὶ Ὁμηρίδαι ῥαπτῶν ἐπέων τὰ πόλλ’ ἀοιδοὶ ἄρχονται, Διὸσ ἐκ προοιμίου· καὶ ὅδ’ ἀνὴρ καταβολὰν ἱερῶν ἀγώνων νικαφορίασ δέδεκται πρῶτον Νεμεαίου ἐν πολυυμνήτῳ Διὸσ ἄλσει. ὀφείλει δ’ ἔτι, πατρίαν εἴπερ καθ’ ὁδόν νιν εὐθυπομπὸσ αἰὼν ταῖσ μεγάλαισ δέδωκε κόσμον Ἀθάναισ, θαμὰ μὲν Ἰσθμιάδων δρέπεσθαι κάλλιστον ἀώτον, ἐν Πυθίοισί τε νικᾶν Τιμονόου παῖδ’·

ὀρειᾶν γε Πελειάδων μὴ τηλόθεν Ωἀρίωνα νεῖσθαι.

καὶ μὰν ἁ Σαλαμίσ γε θρέψαι φῶτα μαχατὰν δυνατόσ.

ἐν Τρωί̈ᾳ μὲν Ἕκτωρ Αἰάντοσ ἄκουσεν· ὦ Τιμόδημε, σὲ δ’ ἀλκὰ παγκρατίου τλάθυμοσ ἀέξει. Ἀχάρναι δὲ παλαίφατοι εὐάνορεσ·

ὅσσα δ’ ἀμφ’ ἀέθλοισ, Τιμοδημίδαι ἐξοχώτατοι προλέγονται. παρὰ μὲν ὑψιμέδοντι Παρνασῷ τέσσαρασ ἐξ ἀέθλων νίκασ ἐκόμιξαν·

ἀλλὰ Κορινθίων ὑπὸ φωτῶν ἐν ἐσλοῦ Πέλοποσ πτυχαῖσ ὀκτὼ στεφάνοισ ἔμιχθεν ἤδη· ἑπτὰ δ’ ἐν Νεμέᾳ τὰ δ’ οἴκοι μάσσον’ ἀριθμοῦ Διὸσ ἀγῶνι.

τόν, ὦ πολῖται, κωμάξατε Τιμοδήμῳ σὺν εὐκλέϊ νόστῳ· ἁδυμελεῖ δ’ ἐξάρχετε φωνᾷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, nemean odes, nemean 2 ΤΙΜΟΔΗΜῼ ΑΧΑΡΝΕΙ ΠΑΓΚΡΑΤΙΑΣΤῌ

(핀다르, Odes, nemean odes, nemean 2 ΤΙΜΟΔΗΜῼ ΑΧΑΡΝΕΙ ΠΑΓΚΡΑΤΙΑΣΤῌ)

상위

목록

SEARCH

MENU NAVIGATION