헬라어 문장 검색 - Πινδαρ́ΟδεσΓρέ2́08́

(핀다르, Odes, pythian odes, pythian 8 ΑΡΙΣΤΟΜΕΝΕΙ ΑΙΓΙΝΗΤῌ ΠΑΛΑΙΣΤῌ)

φιλόφρον Ἡσυχία, Δίκασ ὦ μεγιστόπολι θύγατερ, βουλᾶν τε καὶ πολέμων ἔχοισα κλαῖ̈δασ ὑπερτάτασ, Πυθιόνικον τιμὰν Ἀριστομένει δέκευ. τὺ γὰρ τὸ μαλθακὸν ἔρξαι τε καὶ παθεῖν ὁμῶσ ἐπίστασαι καιρῷ σὺν ἀτρεκεῖ· τὺ δ’, ὁπόταν τισ ἀμείλιχον καρδίᾳ κότον ἐνελάσῃ, τραχεῖα δυσμενέων ὑπαντιάξαισα κράτει τιθεῖσ Ὕβριν ἐν ἄντλῳ.

τὰν οὐδὲ Πορφυρίων μάθεν παρ’ αἶσαν ἐξερεθίζων· κέρδοσ δὲ φίλτατον, ἑκόντοσ εἴ τισ ἐκ δόμων φέροι. βία δὲ καὶ μεγάλαυχον ἔσφαλεν ἐν χρόνῳ.

Τυφὼσ Κίλιξ ἑκατόγκρανοσ οὔ νιν ἄλυξεν, οὐδὲ μὰν βασιλεὺσ Γιγάντων· δμᾶθεν δὲ κεραυνῷ τόξοισί τ’ Ἀπόλλωνοσ· ὃσ εὐμενεῖ νόῳ Ξενάρκειον ἔδεκτο Κίρραθεν ἐστεφανωμένον υἱὸν ποίᾳ Παρνασσίδι Δωριεῖ τε κώμῳ. ἔπεσε δ’ οὐ Χαρίτων ἑκὰσ ἁ δικαιόπολισ ἀρεταῖσ κλειναῖσιν Αἰακιδᾶν θιγοῖσα νᾶσοσ·

τελέαν δ’ ἔχει δόξαν ἀπ’ ἀρχᾶσ. πολλοῖσι μὲν γὰρ ἀείδεται νικαφόροισ ἐν ἀέθλοισ θρέψαισα καὶ θοαῖσ ὑπερτάτουσ ἡρ́ωασ ἐν μάχαισ· τὰ δὲ καὶ ἀνδράσιν ἐμπρέπει.

εἰμὶ δ’ ἄσχολοσ ἀναθέμεν πᾶσαν μακραγορίαν λύρᾳ τε καὶ φθέγματι μαλθακῷ, μὴ κόροσ ἐλθὼν κνίσῃ.

τὸ δ’ ἐν ποσί μοι τράχον ἴτω τεὸν χρέοσ, ὦ παῖ, νεώτατον καλῶν, ἐμᾷ ποτανὸν ἀμφὶ μαχανᾷ. παλαισμάτεσσι γὰρ ἰχνεύων ματραδελφεοὺσ Ὀλυμπίᾳ τε Θεόγνητον οὐ κατελέγχεισ, οὐδὲ Κλειτομάχοιο νίκαν Ἰσθμοῖ θρασύγυιον·

ὁπότ’ ἀπ’ Ἄργεοσ ἤλυθον δευτέραν ὁδὸν Ἐπίγονοι.

ὧδ’ εἶπε μαρναμένων·

" φυᾷ τὸ γενναῖον ἐπιπρέπει ἐκ πατέρων παισὶ λῆμα. θαέομαι σαφὲσ δράκοντα ποικίλον αἰθᾶσ Ἀλκμᾶν’ ἐπ’ ἀσπίδοσ νωμῶντα πρῶτον ἐν Κάδμου πύλαισ. ὁ δὲ καμὼν προτέρᾳ πάθᾳ νῦν ἀρείονοσ ἐνέχεται ὄρνιχοσ ἀγγελίᾳ Ἄδραστοσ ἡρ́ωσ·

τὸ δὲ οἴκοθεν ἀντία πράξει.

μοῦνοσ γὰρ ἐκ Δαναῶν στρατοῦ θανόντοσ ὀστέα λέξαισ υἱοῦ, τύχᾳ θεῶν ἀφίξεται λαῷ σὺν ἀβλαβεῖ Ἄβαντοσ εὐρυχόρουσ ἀγυιάσ. " τοιαῦτα μὲν ἐφθέγξατ’ Ἀμφιάρηοσ. Ἀλκμᾶνα στεφάνοισι βάλλω, ῥαίνω δὲ καὶ ὕμνῳ, γείτων ὅτι μοι καὶ κτεάνων φύλαξ ἐμῶν ὑπάντασεν ἰόντι γᾶσ ὀμφαλὸν παρ’ ἀοίδιμον, μαντευμάτων τ’ ἐφάψατο συγγόνοισι τέχναισ.

τὺ δ’,Ἑκαταβόλε, πάνδοκον ναὸν εὐκλέα διανέμων Πυθῶνοσ ἐν γυάλοισ, τὸ μὲν μέγιστον τόθι χαρμάτων ὤπασασ·

οἴκοι δὲ πρόσθεν ἁρπαλέαν δόσιν πενταθλίου σὺν ἑορταῖσ ὑμαῖσ ἐπάγαγεσ.

ἄναξ, ἑκόντι δ’ εὔχομαι νόῳ κατά τιν’ ἁρμονίαν βλέπειν, ἀμφ’ ἕκαστον ὅσα νέομαι. κώμῳ μὲν ἁδυμελεῖ Δίκα παρέστακε·

θεῶν δ’ ὄπιν ἄφθονον αἰτέω, Ξείναρκεσ, ὑμετέραισ τύχαισ.

εἰ γάρ τισ ἐσλὰ πέπαται μὴ σὺν μακρῷ πόνῳ, πολλοῖσ σοφὸσ δοκεῖ πεδ’ ἀφρόνων βίον κορυσσέμεν ὀρθοβούλοισι μαχαναῖσ· τὰ δ’ οὐκ ἐπ’ ἀνδράσι κεῖται·

δαίμων δὲ παρίσχει, ἄλλοτ’ ἄλλον ὕπερθε βάλλων, ἄλλον δ’ ὑπὸ χειρῶν μέτρῳ καταβαίνει. Μεγάροισ δ’ ἔχεισ γέρασ, μυχῷ τ’ ἐν Μαραθῶνοσ, Ἥρασ τ’ ἀγῶν’ ἐπιχώριον νίκαισ τρισσαῖσ, Ὦριστόμενεσ, δάμασσασ ἔργῳ·

τέτρασι δ’ ἔμπετεσ ὑψόθεν σωμάτεσσι κακὰ φρονέων, τοῖσ οὔτε νόστοσ ὁμῶσ ἔπαλπνοσ ἐν Πυθιάδι κρίθη, οὐδὲ μολόντων πὰρ ματέρ’ ἀμφὶ γέλωσ γλυκὺσ ὦρσεν χάριν·

κατὰ λαύρασ δ’ ἐχθρῶν ἀπάοροι πτώσσοντι, συμφορᾷ δεδαγμένοι.

ὁ δὲ καλόν τι νέον λαχὼν ἁβρότατοσ ἔπι μεγάλασ ἐξ ἐλπίδοσ πέταται ὑποπτέροισ ἀνορέαισ, ἔχων κρέσσονα πλούτου μέριμναν.

ἐν δ’ ὀλίγῳ βροτῶν τὸ τερπνὸν αὔξεται·

οὕτω δὲ καὶ πίτνει χαμαί, ἀποτρόπῳ γνώμᾳ σεσεισμένον. ἐπάμεροι·

τί δέ τισ; τί δ’ οὔ τισ; σκιᾶσ ὄναρ ἄνθρωποσ. ἀλλ’ ὅταν αἴγλα διόσδοτοσ ἔλθῃ, λαμπρὸν φέγγοσ ἔπεστιν ἀνδρῶν καὶ μείλιχοσ αἰών· Αἴγινα φίλα μᾶτερ, ἐλευθέρῳ στόλῳ πόλιν τάνδε κόμιζε Δὶ καὶ κρέοντι σὺν Αἰακῷ Πηλεῖ τε κἀγαθῷ Τελαμῶνι σύν τ’ Ἀχιλλεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pindar, Odes, pythian odes, pythian 8 ΑΡΙΣΤΟΜΕΝΕΙ ΑΙΓΙΝΗΤῌ ΠΑΛΑΙΣΤῌ

(핀다르, Odes, pythian odes, pythian 8 ΑΡΙΣΤΟΜΕΝΕΙ ΑΙΓΙΝΗΤῌ ΠΑΛΑΙΣΤῌ)

상위

목록

SEARCH

MENU NAVIGATION