Pindar, Odes, pythian odes, pythian 7 ΜΕΓΑΚΛΕΙ ΑΘΗΝΑΙῼ ΤΕΘΡΙΠΠῼ

(핀다르, Odes, pythian odes, pythian 7 ΜΕΓΑΚΛΕΙ ΑΘΗΝΑΙῼ ΤΕΘΡΙΠΠῼ)

κάλλιστον αἱ μεγαλοπόλιεσ Ἀθᾶναι προοίμιον Ἀλκμανιδᾶν εὐρυσθενεῖ γενεᾷ κρηπῖδ’ ἀοιδᾶν ἵπποισι βαλέσθαι. ἐπεὶ τίνα πάτραν, τίνα οἶκον ναίων ὀνυμάξεαι ἐπιφανέστερον Ἑλλάδι πυθέσθαι; πάσαισι γὰρ πολίεσι λόγοσ ὁμιλεῖ Ἐρεχθέοσ ἀστῶν, Ἄπολλον, οἳ τεόν γε δόμον Πυθῶνι δίᾳ θαητὸν ἔτευξαν.

ἄγοντι δέ με πέντε μὲν Ἰσθμοῖ νῖκαι, μία δ’ ἐκπρεπὴσ Διὸσ Ὀλυμπιάσ, δύο δ’ ἀπὸ Κίρρασ, ὦ Μεγάκλεεσ, ὑμαί τε καὶ προγόνων.

νέα δ’ εὐπραγίᾳ χαίρω τι·

τὸ δ’ ἄχνυμαι, φθόνον ἀμειβόμενον τὰ καλὰ ἔργα. φαντί γε μὰν οὕτω κεν ἀνδρὶ παρμονίμαν θάλλοισαν εὐδαιμονίαν τὰ καὶ τὰ φέρεσθαι.

일치하는 문장이 없습니다.

SEARCH

MENU NAVIGATION