헬라어 문장 검색 - Πινδαρ́ΟδεσΓρέ1́14́

(핀다르, Odes, olympian odes, ολψμπιαν 14 <ΑΣΩΠΙΧῼ ΟΡΧΟΜΕΝΙῼ ΣΤΑΔΙΕΙ παιδὶ Κλεοδάμου)

Καφισίων ὑδάτων λαχοῖσαι, αἵτε ναίετε καλλίπωλον ἕδραν, ὦ λιπαρᾶσ ἀοίδιμοι βασίλειαι Χάριτεσ Ὀρχομενοῦ, παλαιγόνων Μινυᾶν ἐπίσκοποι, κλῦτ’, ἐπεὶ εὔχομαι. σὺν γὰρ ὔμμιν τὰ τερπνὰ καὶ τὰ γλυκέ’ ἄνεται πάντα βροτοῖσ, εἰ σοφόσ, εἰ καλόσ, εἴ τισ ἀγλαὸσ ἀνήρ. οὐδὲ γὰρ θεοὶ σεμνᾶν Χαρίτων ἄτερ κοιρανέοισιν χοροὺσ οὔτε δαῖτασ· ἀλλὰ πάντων ταμίαι ἔργων ἐν οὐρανῷ, χρυσότοξον θέμεναι παρὰ Πύθιον Ἀπόλλωνα θρόνουσ, ἀέναον σέβοντι πατρὸσ Ὀλυμπίοιο τιμάν.

<ὦ> πότνι’ Ἀγλαί̈α φιλησίμολπέ τ’ Εὐφροσύνα, θεῶν κρατίστου παῖδεσ, ἐπακοοῖτε νῦν, Θαλία τε ἐρασίμολπε, ἰδοῖσα τόνδε κῶμον ἐπ’ εὐμενεῖ τύχᾳ κοῦφα βιβῶντα·

Λυδῷ γὰρ Ἀσώπιχον τρόπῳ ἔν τε μελέταισ ἀείδων ἔμολον, οὕνεκ’ Ὀλυμπιόνικοσ ἁ Μινυεία σεῦ ἕκατι.

Φερσεφόνασ ἔλθ’, Ἀχοῖ, πατρὶ κλυτὰν φέροισ’ ἀγγελίαν, Κλεόδαμον ὄφρ’ ἰδοῖσ’, υἱὸν εἴπῃσ ὅτι οἱ νέαν κόλποισ παρ’ εὐδόξοισ Πίσασ ἐστεφάνωσε κυδίμων ἀέθλων πτεροῖσι χαίταν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, olympian odes, ολψμπιαν 14 <ΑΣΩΠΙΧῼ ΟΡΧΟΜΕΝΙῼ ΣΤΑΔΙΕΙ παιδὶ Κλεοδάμου

(핀다르, Odes, olympian odes, ολψμπιαν 14 <ΑΣΩΠΙΧῼ ΟΡΧΟΜΕΝΙῼ ΣΤΑΔΙΕΙ παιδὶ Κλεοδάμου)

상위

목록

SEARCH

MENU NAVIGATION