Pindar, Odes, olympian odes, olympian 12 ΕΡΓΟΤΕΛΕΙ ΙΜΕΡΑΙῼ ΔΟΛΙΧΟΔΡΟΜῼ

(핀다르, Odes, olympian odes, olympian 12 ΕΡΓΟΤΕΛΕΙ ΙΜΕΡΑΙῼ ΔΟΛΙΧΟΔΡΟΜῼ)

λίσσομαι, παῖ Ζηνὸσ Ἐλευθερίου, Ἱμέραν εὐρυσθενέ’ ἀμφιπόλει, σώτειρα Τύχα. τὶν γὰρ ἐν πόντῳ κυβερνῶνται θοαὶ νᾶεσ, ἐν χέρσῳ τε λαιψηροὶ πόλεμοι κἀγοραὶ βουλαφόροι. αἵ γε μὲν ἀνδρῶν πόλλ’ ἄνω, τὰ δ’ αὖ κάτω ψεύδη μεταμώνια τάμνοισαι κυλίνδοντ’ ἐλπίδεσ· σύμβολον δ’ οὔ πώ τισ ἐπιχθονίων πιστὸν ἀμφὶ πράξιοσ ἐσσομένασ εὑρ͂εν θεόθεν·

τῶν δὲ μελλόντων τετύφλωνται φραδαί. πολλὰ δ’ ἀνθρώποισ παρὰ γνώμαν ἔπεσεν, ἔμπαλιν μὲν τέρψιοσ, οἱ δ’ ἀνιαραῖσ ἀντικύρσαντεσ ζάλαισ ἐσλὸν βαθὺ πήματοσ ἐν μικρῷ πεδάμειψαν χρόνῳ. υἱὲ Φιλάνοροσ, ἤτοι καὶ τεά κεν, ἐνδομάχασ ἅτ’ ἀλέκτωρ, συγγόνῳ παρ’ ἑστίᾳ ἀκλεὴσ τιμὰ κατεφυλλορόησε ποδῶν, εἰ μὴ στάσισ ἀντιάνειρα Κνωσίασ ἄμερσε πάτρασ.

νῦν δ’ Ὀλυμπία στεφανωσάμενοσ καὶ δὶσ ἐκ Πυθῶνοσ Ἰσθμοῖ τ’, Ἐργότελεσ, θερμὰ Νυμφᾶν λουτρὰ βαστάζεισ, ὁμιλέων παρ’ οἰκείαισ ἀρούραισ.

일치하는 문장이 없습니다.

SEARCH

MENU NAVIGATION