헬라어 문장 검색 - Πινδαρ́ΟδεσΓρέ1́10́

(핀다르, Odes, olympian odes, olympian 10 ΑΓΗΣΙΔΑΜῼ ΛΟΚΡῼ ΕΠΙΖΕΦΥΡΙῼ ΠΑΙΔΙ ΠΥΚΤῌ)

τὸν Ὀλυμπιονίκαν ἀνάγνωτέ μοι Ἀρχεστράτου παῖδα, πόθι φρενὸσ ἐμᾶσ γέγραπται· γλυκὺ γὰρ αὐτῷ μέλοσ ὀφείλων ἐπιλέλαθ’· ὦ Μοῖσ’, ἀλλὰ σὺ καὶ θυγάτηρ Ἀλάθεια Διόσ, ὀρθᾷ χερὶ ἐρύκετον ψευδέων ἐνιπὰν ἀλιτόξενον. ἕκαθεν γὰρ ἐπελθὼν ὁ μέλλων χρόνοσ ἐμὸν καταίσχυνε βαθὺ χρέοσ.

ὅμωσ δὲ λῦσαι δυνατὸσ ὀξεῖαν ἐπιμομφὰν τόκοσ·

ὁρᾶτ’ ὦν νῦν ψᾶφον ἑλισσομέναν ὅπα κῦμα κατακλύσσει ῥέον, ὅπα τε κοινὸν λόγον φίλαν τίσομεν ἐσ χάριν. νέμει γὰρ Ἀτρέκεια πόλιν Λοκρῶν Ζεφυρίων, μέλει τέ σφισι Καλλιόπα καὶ χάλκεοσ Ἄρησ.

τράπε δὲ Κύκνεια μάχα καὶ ὑπέρβιον Ἡρακλέα.

πύκτασ δ’ ἐν Ὀλυμπιάδι νικῶν Ἴλᾳ φερέτω χάριν Ἁγησίδαμοσ ὡσ Ἀχιλεῖ Πάτροκλοσ. θήξαισ δέ κε φύντ’ ἀρετᾷ ποτὶ πελώριον ὁρμάσαι κλέοσ ἀνὴρ θεοῦ σὺν παλάμᾳ· ἄπονον δ’ ἔλαβον χάρμα παῦροί τινεσ, ἔργων πρὸ πάντων βιότῳ φάοσ.

ὅτι πρόσθε ποτὲ Τιρύνθιον ἔπερσαν αὐτῷ στρατὸν μυχοῖσ ἥμενον Ἄλιδοσ Μολίονεσ ὑπερφίαλοι.

καὶ μὰν ξεναπάτασ Ἐπειῶν βασιλεὺσ ὄπιθεν οὐ πολλὸν ἴδε πατρίδα πολυκτέανον ὑπὸ στερεῷ πυρὶ πλαγαῖσ τε σιδάρου βαθὺν εἰσ ὀχετὸν ἄτασ ἵζοισαν ἑὰν πόλιν.

νεῖκοσ δὲ κρεσσόνων ἀποθέσθ’ ἄπορον. ἁλώσιοσ ἀντάσαισ θάνατον αἰπὺν οὐκ ἐξέφυγεν.

ὁ δ’ ἄρ’ ἐν Πίσᾳ ἔλσαισ ὅλον τε στρατὸν λαίαν τε πᾶσαν Διὸσ ἄλκιμοσ υἱὸσ σταθμᾶτο ζάθεον ἄλσοσ πατρὶ μεγίστῳ·

μετὰ δώδεκ’ ἀνάκτων θεῶν.

καὶ πάγον Κρόνου προσεφθέγξατο· πρόσθε γὰρ νώνυμνοσ, ἇσ Οἰνόμαοσ ἆρχε, βρέχετο πολλᾷ νιφάδι.

ταύτᾳ δ’ ἐν πρωτογόνῳ τελετᾷ παρέσταν μὲν ἄρα Μοῖραι σχεδὸν ὅ τ’ ἐξελέγχων μόνοσ ἀλάθειαν ἐτήτυμον χρόνοσ. τὸ δὲ σαφανὲσ ἰὼν πόρσω κατέφρασεν, ὅπα τὰν πολέμοιο δόσιν ἀκρόθινα διελὼν ἔθυε καὶ πενταετηρίδ’ ὅπωσ ἄρα ἔστασεν ἑορτὰν σὺν Ὀλυμπιάδι πρώτᾳ νικαφορίαισί τε.

τίσ δὴ ποταίνιον ἔλαχε στέφανον χείρεσσι ποσίν τε καὶ ἁρ́ματι, ἀγώνιον ἐν δόξᾳ θέμενοσ εὖχοσ, ἔργῳ καθελών;

σταδίου μὲν ἀρίστευσεν εὐθὺν τόνον ποσσὶ τρέχων παῖσ ὁ Λικυμνίου Οἰωνόσ·

ἷκεν δὲ Μιδέαθεν στρατὸν ἐλαύνων·

ὁ δὲ πάλᾳ κυδαίνων Ἔχεμοσ Τεγέαν· Δόρυκλοσ δ’ ἔφερε πυγμᾶσ τέλοσ, Τίρυνθα ναίων πόλιν· ἀν’ ἵπποισι δὲ τέτρασιν ἀπὸ Μαντινέασ Σᾶμοσ Ὡλιροθίου· ἄκοντι Φράστωρ ἔλασε σκοπόν·

μᾶκοσ δὲ Νικεὺσ ἔδικε πέτρῳ χέρα κυκλώσαισ ὑπὲρ ἁπάντων, καὶ συμμαχία θόρυβον παραίθυξε μέγαν· ἐν δ’ ἕσπερον ἔφλεξεν εὐώπιδοσ σελάνασ ἐρατὸν φάοσ.

ἀείδετο δὲ πᾶν τέμενοσ τερπναῖσι θαλίαισ τὸν ἐγκώμιον ἀμφὶ τρόπον.

ἀρχαῖσ δὲ προτέραισ ἑπόμενοι καί νῦν ἐπωνυμίαν χάριν νίκασ ἀγερώχου, κελαδησόμεθα βροντὰν καὶ πυρπάλαμον βέλοσ ὀρσικτύπου Διόσ, ἐν ἅπαντι κράτει αἴθωνα κεραυνὸν ἀραρότα. χλιδῶσα δὲ μολπὰ πρὸσ κάλαμον ἀντιάξει μελέων, τὰ παρ’ εὐκλέϊ Δίρκᾳ χρόνῳ μὲν φάνεν·

ἀλλ’ ὥτε παῖσ ἐξ ἀλόχου πατρὶ ποθεινὸσ ἵκοντι νεότατοσ τὸ πάλιν ἤδη, μάλα δέ οἱ θερμαίνει φιλότατι νόον·

ἐπεὶ πλοῦτοσ ὁ λαχὼν ποιμένα ἐπακτὸν ἀλλότριον, θνᾴσκοντι στυγερώτατοσ· καὶ ὅταν καλὰ ἔρξαισ ἀοιδᾶσ ἄτερ, Ἁγησίδαμ’, εἰσ Αἴ̈δα σταθμὸν ἀνὴρ ἵκηται, κενεὰ πνεύσαισ ἔπορε μόχθῳ βραχύ τι τερπνόν.

τὶν δ’ ἁδυεπήσ τε λύρα γλυκύσ τ’ αὐλὸσ ἀναπάσσει χάριν· τρέφοντι δ’ εὐρὺ κλέοσ κόραι Πιερίδεσ Διόσ.

ἐγὼ δὲ συνεφαπτόμενοσ σπουδᾷ, κλυτὸν ἔθνοσ Λοκρῶν ἀμφέπεσον μέλιτι εὐάνορα πόλιν καταβρέχων·

παῖδ’ ἐρατὸν <δ’> Ἀρχεστράτου αἴνησα, τὸν εἶδον κρατέοντα χερὸσ ἀλκᾷ βωμὸν παρ’ Ὀλύμπιον, κεῖνον κατὰ χρόνον ἰδέᾳ τε καλὸν ὡρ́ᾳ τε κεκραμένον, ἅ ποτε ἀναιδέα Γανυμήδει μόρον ἄλαλκε σὺν Κυπρογενεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, olympian odes, olympian 10 ΑΓΗΣΙΔΑΜῼ ΛΟΚΡῼ ΕΠΙΖΕΦΥΡΙῼ ΠΑΙΔΙ ΠΥΚΤῌ

(핀다르, Odes, olympian odes, olympian 10 ΑΓΗΣΙΔΑΜῼ ΛΟΚΡῼ ΕΠΙΖΕΦΥΡΙῼ ΠΑΙΔΙ ΠΥΚΤῌ)

상위

목록

SEARCH

MENU NAVIGATION