헬라어 문장 검색 - Πινδαρ́ΟδεσΓρέ1́09́

(핀다르, Odes, olympian odes, olympian 9 ΕΦΑΡΜΟΣΤῼ ΟΠΟΥΝΤΙῼ ΠΑΛΑΙΣΤῌ)

τὸ μὲν Ἀρχιλόχου μέλοσ φωνᾶεν Ὀλυμπίᾳ, καλλίνικοσ ὁ τριπλόοσ κεχλαδώσ, ἄρκεσε Κρόνιον παρ’ ὄχθον ἁγεμονεῦσαι κωμάζοντι φίλοισ Ἐφαρμόστῳ σὺν ἑταίροισ· Δία τε φοινικοστερόπαν σεμνόν τ’ ἐπίνειμαι ἀκρωτήριον Ἄλιδοσ τοιοῖσδε βέλεσσιν, τὸ δή ποτε Λυδὸσ ἡρ́ωσ Πέλοψ ἐξάρατο κάλλιστον ἕδνον Ἱπποδαμείασ·

πτερόεντα δ’ ἱεί γλυκὺν Πυθώναδ’ ὀϊστόν·

οὔτοι χαμαιπετέων λόγων ἐφάψεαι ἀνδρὸσ ἀμφὶ παλαίσμασιν φόρμιγγ’ ἐλελίζων κλεινᾶσ ἐξ Ὀπόεντοσ· αἰνήσαισ ἓ καὶ υἱόν, ἃν Θέμισ θυγάτηρ τέ οἱ σώτειρα λέλογχεν μεγαλόδοξοσ Εὐνομία, θάλλει δ’ ἀρεταῖσιν σόν τε, Κασταλία, πάρα Ἀλφεοῦ τε ῥέεθρον·

ὅθεν στεφάνων ἀώτοι κλυτὰν Λοκρῶν ἐπαείροντι ματέρ’ ἀγλαόδενδρον.

ἐγὼ δέ τοι φίλαν πόλιν μαλεραῖσ ἐπιφλέγων ἀοιδαῖσ, καὶ ἀγάνοροσ ἵππου θᾶσσον καὶ ναὸσ ὑποπτέρου παντᾷ ἀγγελίαν πέμψω ταύταν, εἰ σύν τινι μοιριδίῳ παλάμᾳ ἐξαίρετον Χαρίτων νέμομαι κᾶπον·

κεῖναι γὰρ ὤπασαν τὰ τέρπν’·

ἀγαθοὶ δὲ καὶ σοφοὶ κατὰ δαίμον’ ἄνδρεσ ἐγένοντ’· ἐπεὶ ἀντία πῶσ ἂν τριόδοντοσ Ἡρακλέησ σκύταλον τίναξε χερσίν, ἁνίκ’ ἀμφὶ Πύλον σταθεὶσ ἤρειδε Ποσειδᾶν ἤρειδεν δέ νιν ἀργυρέῳ τόξῳ πολεμίζων Φοῖβοσ, οὐδ’ Αἴ̈δασ ἀκινήταν ἔχε ῥάβδον, βρότεα σώμαθ’ ᾇ κατάγει κοίλαν πρὸσ ἀγυιὰν θνᾳσκόντων;

ἀπό μοι λόγον τοῦτον, στόμα, ῥῖψον·

μανίαισιν ὑποκρέκει.

μὴ νῦν λαλάγει τὰ τοιαῦτ’·

ἐά πόλεμον μάχαν τε πᾶσαν χωρὶσ ἀθανάτων· φέροισ δὲ Πρωτογενείασ ἄστει γλῶσσαν, ἵν’ αἰολοβρόντα Διὸσ αἴσᾳ Πύρρα Δευκαλίων τε Παρνασοῦ καταβάντε δόμον ἔθεντο πρῶτον, ἄτερ δ’ εὐνᾶσ ὁμόδαμον κτισσάσθαν λίθινον γόνον· λαοὶ δ’ ὀνύμασθεν.

ἔγειρ’ ἐπέων σφιν οἶμον λιγύν, αἴνει δὲ παλαιὸν μὲν οἶνον, ἄνθεα δ’ ὕμνων νεωτέρων. λέγοντι μὰν χθόνα μὲν κατακλύσαι μέλαιναν ὕδατοσ σθένοσ, ἀλλὰ Ζηνὸσ τέχναισ ἀνάπωτιν ἐξαίφνασ ἄντλον ἑλεῖν.

Λοκρῷ, μὴ καθέλοι μιν αἰὼν πότμον ἐφάψαισ ὀρφανὸν γενεᾶσ.

ἔχεν δὲ σπέρμα μέγιστον ἄλοχοσ, εὐφράνθη τε ἰδὼν ἡρ́ωσ θετὸν υἱόν, μάτρωοσ δ’ ἐκάλεσσέ νιν ἰσώνυμον ἔμμεν, ὑπέρφατον ἄνδρα μορφᾷ τε καὶ ἔργοισι. πόλιν δ’ ὤπασεν λαόν τε διαιτᾶν.

ἀφίκοντο δέ οἱ ξένοι, ἔκ τ’ Ἄργεοσ ἔκ τε Θηβᾶν, οἱ δ’ Ἀρκάδεσ, οἱ δὲ καὶ Πισᾶται·

υἱὸν δ’ Ἄκτοροσ ἐξόχωσ τίμασεν ἐποίκων Αἰγίνασ τε Μενοίτιον· τοῦ παῖσ ἅμ’ Ἀτρείδαισ Τεύθραντοσ πεδίον μολὼν ἔστα σὺν Ἀχιλλεῖ μόνοσ, ὅτ’ ἀλκᾶντασ Δαναοὺσ τρέψαισ ἁλίαισιν πρύμναισ Τήλεφοσ ἔμβαλεν· ὥστ’ ἔμφρονι δεῖξαι μαθεῖν Πατρόκλου βιατὰν νόον.

παραγορεῖτο μή ποτε σφετέρασ ἄτερθε ταξιοῦσθαι δαμασιμβρότου αἰχμᾶσ.

εἰήν εὑρησιεπὴσ ἀναγεῖσθαι πρόσφοροσ ἐν Μοισᾶν δίφρῳ·

τόλμα δὲ καὶ ἀμφιλαφὴσ δύναμισ ἕσποιτο. προξενίᾳ δ’ ἀρετᾷ τ’ ἦλθον τιμάοροσ Ἰσθμίαισι Λαμπρομάχου μίτραισ, ὅτ’ ἀμφότεροι κράτησαν μίαν ἔργον ἀν’ ἁμέραν. ἄλλαι δὲ δύ’ ἐν Κορίνθου πύλαισ ἐγένοντ’ ἔπειτα χάρμαι, ταὶ δὲ καὶ Νεμέασ Ἐφαρμόστῳ κατὰ κόλπον·

Ἄργει τ’ ἔσχεθε κῦδοσ ἀνδρῶν, παῖσ δ’ ἐν Ἀθάναισ, οἱο͂ν δ’ ἐν Μαραθῶνι συλαθεὶσ ἀγενείων μένεν ἀγῶνα πρεσβυτέρων ἀμφ’ ἀργυρίδεσσιν·

διήρχετο κύκλον ὅσσᾳ βοᾷ, ὡραῖοσ ἐὼν καὶ καλὸσ κάλλιστά τε ῥέξαισ.

τὰ δὲ Παρρασίῳ στρατῷ θαυμαστὸσ ἐὼν φάνη Ζηνὸσ ἀμφὶ πανάγυριν Λυκαίου, καὶ ψυχρᾶν ὁπότ’ εὐδιανὸν φάρμακον αὐρᾶν Πελλάνᾳ φέρε·

σύνδικοσ δ’ αὐτῷ Ιὀλάου τύμβοσ εἰναλία τ’ Ἐλευσὶσ ἀγλαί̈αισιν. τὸ δὲ φυᾷ κράτιστον ἅπαν·

πολλοὶ δὲ διδακταῖσ ἀνθρώπων ἀρεταῖσ κλέοσ ὤρουσαν ἀρέσθαι. ἄνευ δὲ θεοῦ σεσιγαμένον οὐ σκαιότερον χρῆμ’ ἕκαστον. ὁδῶν ὁδοὶ περαίτεραι, μία δ’ οὐχ ἅπαντασ ἄμμε θρέψει μελέτα·

σοφίαι μὲν αἰπειναί·

τοῦτο δὲ προσφέρων ἆθλον, ὄρθιον ὤρυσαι θαρσέων, τόνδ’ ἀνέρα δαιμονίᾳ γεγάμεν εὔχειρα, δεξιόγυιον, ὁρῶντ’ ἀλκάν, Αἰάντειόν τ’ ἐν δαιτὶ Ἰλιάδα νικῶν ἐπεστεφάνωσε βωμόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, olympian odes, olympian 9 ΕΦΑΡΜΟΣΤῼ ΟΠΟΥΝΤΙῼ ΠΑΛΑΙΣΤῌ

(핀다르, Odes, olympian odes, olympian 9 ΕΦΑΡΜΟΣΤῼ ΟΠΟΥΝΤΙῼ ΠΑΛΑΙΣΤῌ)

상위

목록

SEARCH

MENU NAVIGATION