헬라어 문장 검색 - Πινδαρ́ΟδεσΓρέ1́01́

(핀다르, Odes, olympian odes, olympian 1 ΙΕΡΩΝΙ ΣΥΡΑΚΟΥΣΙῼ ΚΕΛΗΤΙ)

ἄριστον μὲν ὕδωρ, ὁ δὲ χρυσὸσ αἰθόμενον πῦρ ἅτε διαπρέπει νυκτὶ μεγάνοροσ ἔξοχα πλούτου· εἰ δ’ ἀέθλα γαρύεν ἔλδεαι, φίλον ἦτορ, μηκέθ’ ἁλίου σκόπει ἄλλο θαλπνότερον ἐν ἁμέρᾳ φαεννὸν ἄστρον ἐρήμασ δι’ αἰθέροσ, μηδ’ Ὀλυμπίασ ἀγῶνα φέρτερον αὐδάσομεν· θεμιστεῖον ὃσ ἀμφέπει σκᾶπτον ἐν πολυμάλῳ Σικελίᾳ, δρέπων μὲν κορυφὰσ ἀρετᾶν ἄπο πασᾶν, ἀγλαί̈ζεται δὲ καὶ μουσικᾶσ ἐν ἀώτῳ, οἱᾶ παίζομεν φίλαν ἄνδρεσ ἀμφὶ θαμὰ τράπεζαν.

νόον ὑπὸ γλυκυτάταισ ἔθηκε φροντίσιν, ὅτε παρ’ Ἀλφεῷ σύτο, δέμασ ἀκέντητον ἐν δρόμοισι παρέχων, κράτει δὲ προσέμιξε δεσπόταν, Συρακόσιον ἱπποχάρμαν βασιλῆα.

λάμπει δέ οἱ κλέοσ ἐν εὐάνορι Λυδοῦ Πέλοποσ ἀποικίᾳ· τοῦ μεγασθενὴσ ἐράσσατο γαιάοχοσ Ποσειδᾶν, ἐπεί νιν καθαροῦ λέβητοσ ἔξελε Κλωθὼ ἐλέφαντι φαίδιμον ὦμον κεκαδμένον.

Χάρισ δ’, ἅπερ ἅπαντα τεύχει τὰ μείλιχα θνατοῖσ, ἐπιφέροισα τιμὰν καὶ ἄπιστον ἐμήσατο πιστὸν ἔμμεναι τὸ πολλάκισ·

ἁμέραι δ’ ἐπίλοιποι μάρτυρεσ σοφώτατοι.

ἔστι δ’ ἀνδρὶ φάμεν ἐοικὸσ ἀμφὶ δαιμόνων καλά· μείων γὰρ αἰτία. δαμέντα φρένασ ἱμέρῳ χρυσέαισί τ’ ἀν’ ἵπποισ ὕπατον εὐρυτίμου ποτὶ δῶμα Διὸσ μεταβᾶσαι, ἔνθα δευτέρῳ χρόνῳ ἦλθε καὶ Γανυμήδησ Ζηνὶ τωὔτ’ ἐπὶ χρέοσ.

τραπέζαισί τ’, ἀμφὶ δεύτατα, κρεῶν σέθεν διεδάσαντο καὶ φάγον.

ἐμοὶ δ’ ἄπορα γαστρίμαργον μακάρων τιν’ εἰπεῖν.

ἀφίσταμαι. ἀκέρδεια λέλογχεν θαμινὰ κακαγόρουσ. εἰ δὲ δή τιν’ ἄνδρα θνατὸν Ὀλύμπου σκοποὶ ἐτίμασαν, ἦν Τάνταλοσ οὗτοσ· ἄταν ὑπέροπλον, ἅν οἱ πατὴρ ὑπερκρέμασε καρτερὸν αὐτῷ λίθον, τὸν αἰεὶ μενοινῶν κεφαλᾶσ βαλεῖν εὐφροσύνασ ἀλᾶται.

ἔχει δ’ ἀπάλαμον βίον τοῦτον ἐμπεδόμοχθον, μετὰ τριῶν τέταρτον πόνον, ἀθανάτων ὅτι κλέψαισ ἁλίκεσσι συμπόταισ νέκταρ ἀμβροσίαν τε δῶκεν, οἷσιν ἄφθιτον θῆκαν.

εἰ δὲ θεὸν ἀνήρ τισ ἔλπεταί τι λαθέμεν ἔρδων, ἁμαρτάνει.

τοὔνεκα προῆκαν υἱὸν ἀθάνατοί οἱ πάλιν μετὰ τὸ ταχύποτμον αὖτισ ἀνέρων ἔθνοσ. πρὸσ εὐάνθεμον δ’ ὅτε φυὰν λάχναι νιν μέλαν γένειον ἔρεφον. ἑτοῖμον ἀνεφρόντισεν γάμον Πισάτα παρὰ πατρὸσ εὔδοξον Ἱπποδάμειαν σχεθέμεν.

ἐγγὺσ ἐλθὼν πολιᾶσ ἁλὸσ οἰο͂σ ἐν ὄρφνᾳ ἄπυεν βαρύκτυπον Εὐτρίαιναν·

ὁ δ’ αὐτῷ πὰρ ποδὶ σχεδὸν φάνη. τῷ μὲν εἶπε·

"φίλια δῶρα Κυπρίασ ἄγ’ εἴ τι, Ποσείδαον, ἐσ χάριν τέλλεται, πέδασον ἔγχοσ Οἰνομάου χάλκεον, ἐμὲ δ’ ἐπὶ ταχυτάτων πόρευσον ἁρμάτων ἐσ Ἆλιν, κράτει δὲ πέλασον. ἐπεὶ τρεῖσ τε καὶ δέκ’ ἄνδρασ ὀλέσαισ ἐρῶντασ ἀναβάλλεται γάμον θυγατρόσ. ὁ μέγασ δὲ κίνδυνοσ ἄναλκιν οὐ φῶτα λαμβάνει. θανεῖν δ’ οἷσιν ἀνάγκα, τί κέ τισ ἀνώνυμον γῆρασ ἐν σκότῳ καθήμενοσ ἕψοι μάταν, ἁπάντων καλῶν ἄμμοροσ;

ἀλλ’ ἐμοὶ μὲν οὗτοσ ἀέθλοσ ὑποκείσεται· τὺ δὲ πρᾶξιν φίλαν δίδοι. " ὣσ ἔννεπεν· οὐδ’ ἀκράντοισ ἐφάψατ’ ὦν ἔπεσι. ἔδωκεν δίφρον τε χρύσεον πτεροῖσίν τ’ ἀκάμαντασ ἵππουσ.

ἕλεν δ’ Οἰνομάου βίαν παρθένον τε σύνευνον·

τέκε τε λαγέτασ ἓξ ἀρεταῖσι μεμαότασ υἱούσ. νῦν δ’ ἐν αἱμακουρίαισ ἀγλααῖσι μέμικται, Ἀλφεοῦ πόρῳ κλιθείσ, τύμβον ἀμφίπολον ἔχων πολυξενωτάτῳ παρὰ βωμῷ. τὸ δὲ κλέοσ τηλόθεν δέδορκε τᾶν Ὀλυμπιάδων ἐν δρόμοισ Πέλοποσ, ἵνα ταχυτὰσ ποδῶν ἐρίζεται ἀκμαί τ’ ἰσχύοσ θρασύπονοι· ὁ νικῶν δὲ λοιπὸν ἀμφὶ βίοτον ἔχει μελιτόεσσαν εὐδίαν ἀέθλων γ’ ἕνεκεν.

τὸ δ’ αἰεὶ παράμερον ἐσλὸν ὕπατον ἔρχεται παντὶ βροτῶν.

ἐμὲ δὲ στεφανῶσαι κεῖνον ἱππίῳ νόμῳ Αἰοληί̈δι μολπᾷ χρή· πέποιθα δὲ ξένον μή τιν’, ἀμφότερα καλῶν τε ἴδριν ἁμᾷ καὶ δύναμιν κυριώτερον, τῶν γε νῦν κλυταῖσι δαιδαλωσέμεν ὕμνων πτυχαῖσ. θεὸσ ἐπίτροποσ ἐὼν τεαῖσι μήδεται ἔχων τοῦτο κᾶδοσ, Ιἕρων, μερίμναισιν·

σὺν ἁρ́ματι θοῷ κλεί̈ξειν, ἐπίκουρον εὑρὼν ὁδὸν λόγων παρ’ εὐδείελον ἐλθὼν Κρόνιον.

ἐμοὶ μὲν ὦν Μοῖσα καρτερώτατον βέλοσ ἀλκᾷ τρέφει·

ἐπ’ ἄλλοισι δ’ ἄλλοι μεγάλοι. τὸ δ’ ἔσχατον κορυφοῦται βασιλεῦσι. μηκέτι πάπταινε πόρσιον. εἰή σέ τε τοῦτον ὑψοῦ χρόνον πατεῖν, ἐμέ τε τοσσάδε νικαφόροισ ὁμιλεῖν, πρόφαντον σοφίᾳ καθ’ Ἕλλανασ ἐόντα παντᾷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, olympian odes, olympian 1 ΙΕΡΩΝΙ ΣΥΡΑΚΟΥΣΙῼ ΚΕΛΗΤΙ

(핀다르, Odes, olympian odes, olympian 1 ΙΕΡΩΝΙ ΣΥΡΑΚΟΥΣΙῼ ΚΕΛΗΤΙ)

상위

목록

SEARCH

MENU NAVIGATION