Pausanias, Description of Greece, Λακωνικά, chapter 19 15:

Θεράπνη δὲ ὄνομα μὲν τῷ χωρίῳ γέγονεν ἀπὸ τῆσ Λέλεγοσ θυγατρόσ, Μενελάου δέ ἐστιν ἐν αὐτῇ ναόσ, καὶ Μενέλαον καὶ Ἑλένην ἐνταῦθα ταφῆναι λέγουσιν. Ῥόδιοι δὲ οὐχ ὁμολογοῦντεσ Λακεδαιμονίοισ φασὶν Ἑλένην Μενελάου τελευτήσαντοσ, Ὀρέστου δὲ ἔτι πλανωμένου, τηνικαῦτα ὑπὸ Νικοστράτου καὶ Μεγαπένθουσ διωχθεῖσαν ἐσ Ῥόδον ἀφικέσθαι Πολυξοῖ τῇ Τληπολέμου γυναικὶ ἔχουσαν ἐπιτηδείωσ·