Pausanias, Description of Greece, Λακωνικά, chapter 14 5:

ἐγγυτάτω δὲ τῶν μνημάτων ἃ τοῖσ Ἀγιάδαισ πεποίηται στήλην ὄψει, γεγραμμέναι δέ εἰσιν ἃσ Χίονισ ἀνὴρ Λακεδαιμόνιοσ δρόμου νίκασ ἀνείλετο ἄλλασ τε καὶ Ὀλυμπίασιν· ἐνταῦθα δὲ ἑπτὰ ἐγένοντό <οἱ> νῖκαι, τέσσαρεσ μὲν σταδίου, διαύλου δὲ αἱ λοιπαί· τὸν δὲ σὺν τῇ ἀσπίδι δρόμον ἐπὶ ἀγῶνι λήγοντι οὐ συνέβαινεν εἶναί πω. Χίονιν δὲ καὶ τοῦ στόλου μετασχεῖν τῷ Θηραίῳ Βάττῳ καὶ Κυρήνην οἰκίσαι σὺν ἐκείνῳ καὶ Λιβύων καταστρέψασθαι τοὺσ προσχώρουσ λέγουσιν.