헬라어 문장 검색 - Παυσαν́Δεσξριπ́3́13́

(파우사니아스, Description of Greece, Λακωνικά, chapter 13)

πλησίον δὲ ἔστι μὲν Κυνόρτου τοῦ Ἀμύκλα τάφοσ, ἔστι δὲ καὶ Κάστοροσ μνῆμα, ἐπὶ δὲ αὐτῷ καὶ ἱερὸν πεποίηται· τεσσαρακοστῷ γὰρ ὕστερον ἔτει τῆσ μάχησ τῆσ πρὸσ Ἴδαν καὶ Λυγκέα θεοὺσ τοὺσ Τυνδάρεω παῖδασ καὶ οὐ πρότερον νομισθῆναί φασι.

δείκνυται δὲ πρὸσ τῇ Σκιάδι καὶ Ἴδα καὶ Λυγκέωσ τάφοσ. κατὰ μὲν δὴ τοῦ λόγου τὸ εἰκὸσ ἐτάφησαν ἐν τῇ Μεσσηνίᾳ καὶ οὐ ταύτῃ· Μεσσηνίων δὲ αἱ συμφοραὶ καὶ ὁ χρόνοσ, ὅσον ἔφυγον ἐκ Πελοποννήσου, πολλὰ τῶν ἀρχαίων καὶ κατελθοῦσιν ἐποίησεν ἄγνωστα, ἅτε δὲ ἐκείνων οὐκ εἰδότων ἔστιν ἤδη τοῖσ ἐθέλουσιν ἀμφισβητεῖν.

Λακεδαιμονίοισ δὲ ἀπαντικρὺ τῆσ Ὀλυμπίασ Ἀφροδίτησ ἐστὶ ναὸσ Κόρησ Σωτείρασ·

ποιῆσαι δὲ τὸν Θρᾷκα Ὀρφέα λέγουσιν, οἱ δὲ Ἄβαριν ἀφικόμενον ἐξ Ὑπερβορέων. ὁ δὲ Καρνειόσ, ὃν Οἰκέταν ἐπονομάζουσι, τιμὰσ εἶχεν ἐν Σπάρτῃ καὶ πρὶν Ἡρακλείδασ κατελθεῖν, ἵδρυτο δὲ ἐν οἰκίᾳ Κριοῦ τοῦ Θεοκλέουσ, ἀνδρὸσ μάντεωσ·

τούτου δὲ τοῦ Κριοῦ γεμιζούσῃ τῇ θυγατρὶ ὕδωρ συντυχόντεσ κατάσκοποι τῶν Δωριέων αὐτῇ τε ἀφίκοντο ἐσ λόγουσ καὶ παρὰ τὸν Κριὸν ἐλθόντεσ διδάσκονται τὴν ἅλωσιν τῆσ Σπάρτησ. Κάρνειον δὲ Ἀπόλλωνα Δωριεῦσι μὲν τοῖσ πᾶσι σέβεσθαι καθέστηκεν ἀπὸ Κάρνου γένοσ ἐξ Ἀκαρνανίασ, μαντευομένου δὲ ἐξ Ἀπόλλωνοσ·

τοῦτον γὰρ τὸν Κάρνον ἀποκτείναντοσ Ἱππότου τοῦ Φύλαντοσ ἐνέπεσεν ἐσ τὸ στρατόπεδον τοῖσ Δωριεῦσι μήνιμα Ἀπόλλωνοσ, καὶ Ἱππότησ τε ἔφυγεν ἐπὶ τῷ φόνῳ καὶ Δωριεῦσιν ἀπὸ τούτου τὸν Ἀκαρνᾶνα μάντιν καθέστηκεν ἱλάσκεσθαι. Καρνειόσ, ὁ δὲ ἐν τοῦ μάντεωσ Κριοῦ τιμώμενοσ Ἀχαιῶν ἔτι ἐχόντων τὴν Σπάρτην.

Πραξίλλῃ μὲν δὴ πεποιημένα ἐστὶν ὡσ Εὐρώπησ εἰή καὶ <Διὸσ ὁ> Κάρνειοσ καὶ αὐτὸν ἀνεθρέψατο Ἀπόλλων καὶ Λητώ·

λέγεται δὲ καὶ ἄλλοσ ἐπ’ αὐτῷ λόγοσ, ἐν τῇ Ἴδῃ τῇ Τρωικῇ κρανείασ ἐν Ἀπόλλωνοσ ἄλσει πεφυκυίασ τοὺσ Ἕλληνασ ἐκτεμεῖν ἐσ τοῦ ἵππου τοῦ δουρείου τὴν ποίησιν· μαθόντεσ δὲ ὀργήν σφισιν ἔχειν τὸν θεὸν θυσίαισ ἱλάσκονται καὶ Ἀπόλλωνα ὀνομάζουσι Κάρνειον ἀπὸ τῶν κρανειῶν, ὑπερθέντεσ τὸ ῥῶ κατὰ δή τι ἀρχαῖον. τοῦ Καρνείου δὲ οὐ πόρρω καλούμενόν ἐστιν ἄγαλμα Ἀφεταίου·

τοῖσ δὲ Πηνελόπησ μνηστῆρσί φασιν ἐντεῦθεν γενέσθαι τοῦ δρόμου τὴν ἀρχήν. ἔστι δέ τι χωρίον ἔχον στοὰσ ἐν τετραγώνῳ τῷ σχήματι, ἔνθα σφίσιν ἐπιπράσκετο ὁ ῥῶποσ τὸ ἀρχαῖον· πρὸσ τούτῳ Διὸσ Ἀμβουλίου καὶ Ἀθηνᾶσ ἐστιν Ἀμβουλίασ βωμὸσ καὶ Διοσκούρων καὶ τούτων Ἀμβουλίων. ἀπαντικρὺ δὲ ἥ τε ὀνομαζομένη Κολώνα καὶ Διονύσου Κολωνάτα ναόσ, πρὸσ αὐτῷ δὲ τέμενόσ ἐστιν ἡρ́ωοσ, ὃν τῆσ ὁδοῦ τῆσ ἐσ Σπάρτην Διονύσῳ φασὶ γενέσθαι ἡγεμόνα·

τῷ δὲ ἡρ́ωι τούτῳ πρὶν ἢ τῷ θεῷ θύουσιν αἱ Διονυσιάδεσ καὶ αἱ Λευκιππίδεσ. τὰσ δὲ ἄλλασ ἕνδεκα ἃσ καὶ αὐτὰσ Διονυσιάδασ ὀνομάζουσι, ταύταισ δρόμου προτιθέασιν ἀγῶνα· δρᾶν δὲ οὕτω σφίσιν ἦλθεν ἐκ Δελφῶν.

τοῦ Διονύσου δὲ οὐ μακρὰν Διὸσ ἱερόν ἐστιν Εὐανέμου, τούτου δὲ ἐν δεξιᾷ Πλευρῶνοσ ἡρῷον. γεγόνασι δὲ οἱ Τυνδάρεω παῖδεσ τὰ πρὸσ μητρὸσ ἀπὸ τοῦ Πλευρῶνοσ· Θέστιον γὰρ τὸν Λήδασ πατέρα Ἄσιόσ φησιν ἐν τοῖσ ἔπεσιν Ἀγήνοροσ παῖδα εἶναι τοῦ Πλευρῶνοσ.

τοῦ δὲ ἡρῴου λόφοσ ἐστὶν οὐ πόρρω καὶ Ἥρασ ἐπὶ τῷ λόφῳ ναὸσ Ἀργείασ· ἱδρύσασθαι δὲ Εὐρυδίκην φασὶ Λακεδαίμονοσ θυγατέρα, γυναῖκα δὲ Ἀκρισίου τοῦ Ἄβαντοσ. Ἥρασ δὲ ἱερὸν Ὑπερχειρίασ κατὰ μαντείαν ἐποιήθη, τοῦ Εὐρώτα πολὺ τῆσ γῆσ σφισιν ἐπικλύζοντοσ. ξόανον δὲ ἀρχαῖον καλοῦσιν Ἀφροδίτησ Ἥρασ·

ἐπὶ δὲ θυγατρὶ γαμουμένῃ νενομίκασι τὰσ μητέρασ τῇ θεῷ θύειν. τοῦ λόφου δὲ κατὰ τὴν ἐσ δεξιὰν ὁδὸν Ἑτοιμοκλέουσ ἐστὶν εἰκών· τῷ δὲ Ἑτοιμοκλεῖ καὶ αὐτῷ <καὶ> Ἱπποσθένει τῷ πατρὶ πάλησ εἰσὶν Ὀλυμπικαὶ νῖκαι, καὶ συναμφοτέροισ μὲν μία τε καὶ δέκα, τῷ δὲ Ἱπποσθένει μιᾷ νίκῃ τὸν υἱὸν παρελθεῖν ὑπῆρξεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 13

(파우사니아스, Description of Greece, Λακωνικά, chapter 13)

상위

목록

SEARCH

MENU NAVIGATION