헬라어 문장 검색 - Παυσαν́Δεσξριπ́3́10́

(파우사니아스, Description of Greece, Λακωνικά, chapter 10)

οὐ πολλῷ δὲ ὕστερον τὸν ἀγῶνα ἔθηκαν τῶν Ἰσθμίων οἱ ἐπὶ λακωνισμῷ φεύγοντεσ Κορίνθιοι<. οἱ> δὲ ἐν τῇ πόλει τότε μὲν τῷ Ἀγησιλάου δείματι ἡσύχαζον· ἀναζεύξαντοσ δὲ ἐσ τὴν Σπάρτην, οὕτω καὶ αὐτοὶ μετὰ Ἀργείων τὰ Ἴσθμια ἄγουσιν. ἀφίκετο δὲ καὶ αὖθισ ἐπὶ Κόρινθον στρατιᾷ· καὶ ‐ ἐπῄει γὰρ Υἁκίνθια ‐ ἀφίησι τοὺσ Ἀμυκλαιεῖσ οἴκαδε ἀπελθόντασ τὰ καθεστηκότα τῷ τε Ἀπόλλωνι καὶ Υἁκίνθῳ δρᾶσαι. ταύτην τὴν μοῖραν ἐπιθέμενοι καθ’ ὁδὸν Ἀθηναῖοι καὶ Ἰφικράτησ διέφθειραν· Ἀγησίλαοσ δὲ καὶ ἐσ Αἰτωλίαν ἐπικουρήσων ἀφίκετο Αἰτωλοῖσ ὑπὸ Ἀκαρνάνων πολέμῳ πιεζομένοισ, καὶ Ἀκαρνᾶνασ ἠνάγκασε καταλύσασθαι τὸν πόλεμον οὐ πολὺ ἀποδέοντασ Καλυδῶνα καὶ τὰ ἄλλα Αἰτωλῶν πολίσματα ᾑρηκέναι.

χρόνῳ δὲ ὕστερον ἔπλευσε καὶ ἐσ Αἴγυπτον, ἀφεστηκότων ἀπὸ βασιλέωσ τῶν Αἰγυπτίων βοηθήσων· καὶ ἔστιν Ἀγησιλάῳ πολλά τε εἰργασμένα καὶ μνήμησ ἄξια ἐν Αἰγύπτῳ. καὶ ‐ ἦν γὰρ δὴ ἤδη γέρων ‐ τὸν μὲν κατὰ τὴν πορείαν ἐπέλαβεν ἡ μοῖρα· Λακεδαιμόνιοι δέ, ὡσ ἐκομίσθη σφίσιν ὁ νεκρόσ, θάπτουσιν αὐτὸν βασιλέων τιμήσαντεσ μάλιστα. Ἀρχιδάμου δὲ τοῦ Ἀγησιλάου βασιλεύοντοσ κατέλαβον τὸ ἱερὸν Φωκεῖσ τὸ ἐν Δελφοῖσ.

Θηβαίοισ μὲν δὴ πολεμεῖν τοῖσ Φωκεῦσιν ἀφίκετο μὲν καὶ ἰδίᾳ συμμαχικὰ ἐπὶ χρήμασιν, ἀπὸ δὲ κοινοῦ λόγου Λακεδαιμόνιοί τε καὶ Ἀθηναῖοί σφισιν ἤμυνον, οἱ μὲν ἀρχαίαν δή τινα ἐκ τῶν Φωκέων μνημονεύοντεσ εὐεργεσίαν, Λακεδαιμόνιοι δὲ προφάσει μὲν καὶ οὗτοι φιλίασ, κατὰ ἔχθοσ δὲ ἐμοὶ δοκεῖν τὸ Θηβαίων. Θεόπομποσ δὲ ὁ Δαμασιστράτου τόν τε Ἀρχίδαμον μετασχεῖν τῶν χρημάτων αὐτὸν καὶ ἔτι Δεινίχαν τὴν Ἀρχιδάμου γυναῖκα παρὰ τῶν δυναστευόντων ἐν Φωκεῦσιν ἔφη λαμβάνουσαν δωρεὰν ἑτοιμότερον ποιεῖν σφισιν ἐσ τὴν συμμαχίαν Ἀρχίδαμον.

τὸ μὲν δὴ χρήματα ἱερὰ δέξασθαι καὶ ἀνδράσιν ἀμῦναι μαντείων πορθήσασι τὸ ἐπιφανέστατον οὐκ ἐσ ἔπαινον τίθεμαι, τοσοῦτον δέ οἱ πρόσεστιν ἐσ ἔπαινον·

Δελφῶν γὰρ τούσ τε ἡβῶντασ ἀποκτεῖναι καὶ γυναῖκασ καὶ τέκνα ἐξανδραποδίσασθαι, καταβαλεῖν δὲ καὶ αὐτὴν ἐσ ἔδαφοσ τὴν πόλιν ἐτόλμων οἱ Φωκεῖσ· ταῦτα οὖν μὴ παθεῖν ὑπὸ τῶν Φωκέων αὐτοὺσ παρῃτήσατο Ἀρχίδαμοσ. διέβη δὲ καὶ ἐσ Ἰταλίαν ὕστερον Ταραντίνοισ βαρβάρων πόλεμον συνδιοίσων σφίσιν ὁμόρων·

καὶ ἀπέθανέ τε αὐτόθι ὑπὸ τῶν βαρβάρων καὶ αὐτοῦ τὸν νεκρὸν ἁμαρτεῖν τάφου τὸ μήνιμα ἐγένετο ἐμποδὼν τὸ ἐκ τοῦ Ἀπόλλωνοσ. τοῦ δὲ Ἀρχιδάμου τούτου τὸν μὲν πρεσβύτερον παῖδα Ἆγιν κατέλαβεν ἀποθανεῖν Μακεδόσιν ἐναντία καὶ Ἀντιπάτρῳ μαχεσάμενον, Εὐδαμίδασ δὲ ὁ νεώτεροσ Λακεδαιμονίοισ ἐβασίλευσεν ἄγουσιν εἰρήνην. τὰ δὲ ἐσ Ἆγιν τὸν Εὐδαμίδου καὶ ἐσ Εὐρυδαμίδαν τὸν Ἄγιδοσ ὡσ ἔσχεν, ἤδη μοι καὶ τάδε ἡ Σικυωνία <συγ>γραφὴ διεξῄει. ἰοῦσι δὲ ἀπὸ τῶν Ἑρμῶν ἐστιν ὁ τόποσ οὗτοσ ἅπασ δρυῶν πλήρησ·

τὸ δὲ ὄνομα τῷ χωρίῳ Σκοτίταν τὸ δὲ σκότοσ οὐ τὸ συνεχὲσ τῶν δένδρων ἐποίησεν, ἀλλὰ Ζεὺσ ἐπίκλησιν ἔσχε Σκοτίτασ, καὶ ἔστιν ἐν ἀριστερᾷ τῆσ ὁδοῦ δέκα μάλιστά που στάδια ἐκτραπομένοισ ἱερὸν Σκοτίτα Διόσ. ἐπανελθόντων δὲ ἐντεῦθεν προελθοῦσιν ὀλίγον καὶ τραπεῖσιν αὖθισ ἐσ ἀριστερὰν ἄγαλμά ἐστιν Ἡρακλέουσ καὶ τρόπαιον· ἀναστῆσαι δὲ ἐλέγετο Ἡρακλῆσ ἀποκτείνασ Ἱπποκόωντα καὶ τοὺσ παῖδασ. τρίτη δὲ ἐκ τῆσ ὁδοῦ τῆσ εὐθείασ ἐκβολὴ κατὰ τὰ δεξιὰ ἐσ Καρύασ ἄγει καὶ ἐσ τὸ ἱερὸν τῆσ Ἀρτέμιδοσ.

τὸ γὰρ χωρίον Ἀρτέμιδοσ καὶ Νυμφῶν ἐστιν αἱ Κάρυαι καὶ ἄγαλμα ἕστηκεν Ἀρτέμιδοσ ἐν ὑπαίθρῳ Καρυάτιδοσ· χοροὺσ δὲ ἐνταῦθα αἱ Λακεδαιμονίων παρθένοι κατὰ ἔτοσ ἱστᾶσι καὶ ἐπιχώριοσ αὐταῖσ καθέστηκεν ὄρχησισ. ἀναστρέψαντι δὲ καὶ κατὰ τὴν λεωφόρον ἰόντι ἐρείπια Σελλασίασ ἐστί· ταύτην, καθὰ καὶ πρότερον ἔγραψα, ἠνδραποδίσαντο Ἀχαιοὶ Λακεδαιμονίουσ καὶ τὸν βασιλέα Κλεομένην τὸν Λεωνίδου μάχῃ νικήσαντεσ. ἐν δὲ Θόρνακι ‐ ἐσ γὰρ τοῦτον ἀφίξῃ προϊών ‐ ἄγαλμά ἐστι Πυθαέωσ Ἀπόλλωνοσ κατὰ τὰ αὐτὰ τῷ ἐν Ἀμύκλαισ πεποιημένον·

τὸ δὲ σχῆμα ὁποῖόν ἐστιν, ἐπ’ ἐκείνῳ γράψω. Λακεδαιμονίοισ γὰρ ἐπιφανέστερά ἐστι τὰ ἐσ τὸν Ἀμυκλαῖον, ὥστε καὶ τὸν χρυσόν, ὃν Κροῖσοσ ὁ Λυδὸσ τῷ Ἀπόλλωνι ἔπεμψε τῷ Πυθαεῖ, τούτῳ ἐσ κόσμον τοῦ ἐν Ἀμύκλαισ κατεχρήσαντο ἀγάλματοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 10

(파우사니아스, Description of Greece, Λακωνικά, chapter 10)

상위

목록

SEARCH

MENU NAVIGATION