헬라어 문장 검색 - Παυσαν́Δεσξριπ́3́09́

(파우사니아스, Description of Greece, Λακωνικά, chapter 9)

βασιλεύει τε δὴ Ἀγησίλαοσ ὁ Ἀρχιδάμου καὶ Λακεδαιμονίοισ ἤρεσε διαβῆναι ναυσὶν ἐσ τὴν Ἀσίαν, Ἀρταξέρξην τὸν Δαρείου αἱρήσοντασ· ἐδιδάσκοντο γὰρ ὑπό τε ἄλλων τῶν ἐν τέλει καὶ μάλιστα ὑπὸ Λυσάνδρου μὴ τὸν Ἀρταξέρξην σφίσιν ἐν τῷ πρὸσ Ἀθηναίουσ πολέμῳ, Κῦρον δὲ εἶναι τὸν τὰ χρήματα διδόντα ἐσ τὰσ ναῦσ. Ἀγησίλαοσ δὲ ‐ ἀπεδείχθη γὰρ διαβιβάσαι τε ἐσ τὴν Ἀσίαν τὸν στρατὸν καὶ δυνάμεωσ ἡγεμὼν τῆσ πεζῆσ ‐ περιέπεμπεν ἔσ τε Πελοπόννησον πλὴν Ἄργουσ καὶ ἐσ τοὺσ Ἕλληνασ τοὺσ ἐκτὸσ Ἰσθμοῦ, συμμαχεῖν σφισιν ἐπαγγέλλων. Κορίνθιοι μὲν οὖν, καίπερ ἐσ τὰ μάλιστα ἔχοντεσ προθύμωσ μετασχεῖν τοῦ ἐσ τὴν Ἀσίαν στόλου, κατακαυθέντοσ σφίσιν ἐξαίφνησ ναοῦ Διὸσ ἐπίκλησιν Ὀλυμπίου, ποιησάμενοι πονηρὸν οἰωνὸν καταμένουσιν ἄκοντεσ.

Ἀθηναίοισ δὲ ἦν μὲν ἡ πρόφασισ ἐκ τοῦ Πελοποννησίων πολέμου καὶ ἐκ νόσου τῆσ λοιμώδουσ ἐπανήκειν τὴν πόλιν ἐσ τὴν πρότερόν ποτε οὖσαν εὐδαιμονίαν· κατὰ τοῦτο ἡσύχαζον μάλιστα.

ἀπεστάλη δὲ καὶ ἐσ Θήβασ πρεσβεύειν Ἀριστομηλίδασ, μητρὸσ μὲν τῆσ Ἀγησιλάου πατήρ, Θηβαίοισ δὲ εἶχεν ἐπιτηδείωσ καὶ ἐγεγόνει τῶν δικαστῶν, οἳ Πλαταιεῦσιν ἁλόντοσ τοῦ τείχουσ ἀποθανεῖν τοὺσ ἐγκαταληφθέντασ ἔγνωσαν.

Θηβαῖοι μὲν οὖν κατὰ τὰ αὐτὰ Ἀθηναίοισ ἀπείπαντο, οὐ φάμενοι βοηθήσειν· Ἀγησίλαοσ δέ, ὡσ αὐτῷ τά τε οἴκοθεν καὶ παρὰ τῶν συμμάχων τὸ στράτευμα ἤθροιστο καὶ ἅμα αἱ νῆεσ εὐτρεπεῖσ ἦσαν, ἀφίκετο ἐσ Αὐλίδα τῇ Ἀρτέμιδι θύσων, ὅτι καὶ Ἀγαμέμνων ἐνταῦθα ἱλασάμενοσ τὴν θεὸν τὸν ἐσ Τροίαν στόλον ἤγαγεν. ἠξίου δὲ ἄρα ὁ Ἀγησίλαοσ πόλεώσ τε εὐδαιμονεστέρασ ἢ Ἀγαμέμνων βασιλεὺσ εἶναι καὶ ἄρχειν τῆσ Ἑλλάδοσ πάσησ ὁμοίωσ ἐκείνῳ, τό τε κατόρθωμα ἐπιφανέστερον ἔσεσθαι βασιλέα κρατήσαντα Ἀρταξέρξην εὐδαιμονίαν κτήσασθαι τὴν Περσῶν ἢ ἀρχὴν καθελεῖν τὴν Πριάμου.

θύοντοσ δὲ αὐτοῦ Θηβαῖοι σὺν ὅπλοισ ἐπελθόντεσ τῶν τε ἱερείων καιόμενα ἤδη τὰ μηρία ἀπορρίπτουσιν ἀπὸ τοῦ βωμοῦ καὶ αὐτὸν ἐξελαύνουσιν ἐκ τοῦ ἱεροῦ. Ἀγησίλαον δὲ ἐλύπει μὲν ἡ θυσία μὴ τελεσθεῖσα, διέβαινε δὲ ὅμωσ ἐσ τὴν Ἀσίαν καὶ ἤλαυνεν ἐπὶ τὰσ Σάρδεισ·

ἦν γὰρ δὴ τῆσ Ἀσίασ τῆσ κάτω μέγιστον μέροσ τηνικαῦτα ἡ Λυδία, καὶ αἱ Σάρδεισ πλούτῳ καὶ παρασκευῇ προεῖχον, τῷ τε σατραπεύοντι ἐπὶ θαλάσσῃ τοῦτο οἰκητήριον ἀπεδέδεικτο καθάπερ γε αὐτῷ βασιλεῖ τὰ Σοῦσα. πλεῖστον ἀθροισθὲν μετά γε τὸν Ξέρξου καὶ πρότερον ἔτι ἐπὶ Σκύθασ Δαρείου καὶ ἐπὶ Ἀθήνασ στρατόν.

Λακεδαιμόνιοι δὲ ἀγασθέντεσ τὸ ἐσ τὰ πράγματα τοῦ Ἀγησιλάου πρόθυμον διδόασιν ἄρχοντα εἶναι καὶ τῶν νεῶν αὐτῷ. ὁ δὲ ταῖσ μὲν τριήρεσιν ἐπέστησεν ἡγεμόνα Πείσανδρον ‐ τοῦ Πεισάνδρου δὲ ἐτύγχανε συνοικῶν ἀδελφῇ ‐ , τῷ πολέμῳ δὲ αὐτὸσ κατὰ γῆν προσεῖχεν ἐρρωμένωσ. καί οἱ θεῶν τισ ἐβάσκηνε μὴ ἀγαγεῖν τὰ βουλεύματα ἐσ τέλοσ.

ὡσ γὰρ δὴ ἐπύθετο Ἀρταξέρξησ μάχασ τε ἃσ ἐνίκησεν Ἀγησίλαοσ καὶ ὡσ <ἐσ> τὸ πρόσω χειρούμενοσ τὰ ἐν ποσὶ πρόεισιν ἀεὶ σὺν τῷ στρατῷ, Τισσαφέρνην μὲν καίπερ τὰ πρότερα εὐεργέτην ὄντα ζημιοῖ θανάτῳ, Τιθραύστην δὲ κατέπεμψεν ἐπὶ θάλασσαν, καὶ φρονῆσαί τε δεινὸν καί τι καὶ ἐσ τοὺσ Λακεδαιμονίουσ ἔχοντα δυσνοίασ. οὗτοσ ὡσ ἀφίκετο ἐσ Σάρδεισ, αὐτίκα ἐπενόει τρόπον ᾧ τινι ἀναγκάσει Λακεδαιμονίουσ τὴν ἐκ τῆσ Ἀσίασ ἀνακαλέσασθαι στρατιάν.

ἄνδρα οὖν Ῥόδιον Τιμοκράτην ἐσ τὴν Ἑλλάδα πέμπει χρήματα ἄγοντα, ἐντειλάμενοσ πόλεμον ἐν τῇ Ἑλλάδι ἐργάσασθαι Λακεδαιμονίοισ. οἱ δὲ τῶν χρημάτων μεταλαβόντεσ Ἀργείων μὲν Κύλων τε εἶναι λέγονται καὶ Σωδάμασ, ἐν Θήβαισ δὲ Ἀνδροκλείδησ καὶ Ἰσμηνίασ καὶ Ἀμφίθεμισ· μετέσχε δὲ καὶ Ἀθηναῖοσ Κέφαλοσ καὶ Ἐπικράτησ καὶ ὅσοι Κορινθίων ἐφρόνουν τὰ Ἀργείων Πολυάνθησ τε καὶ Τιμόλαοσ. οἱ δὲ ἐσ τὸ φανερὸν τοῦ πολέμου παρασχόντεσ τὴν ἀρχὴν ἐγένοντο οἱ ἐξ Ἀμφίσσησ Λοκροί.

τοῖσ γὰρ δὴ Λοκροῖσ γῆ πρὸσ τοὺσ Φωκέασ ἐτύγχανεν οὖσα ἀμφισβητήσιμοσ γῆ· ἐκ ταύτησ ὑπὸ Θηβαίων ἐπαρθέντεσ τῶν περὶ Ἰσμηνίαν τόν τε σῖτον ἀκμάζοντα ἔτεμον καὶ ἤλασαν λείαν ἄγοντεσ·

ἐνέβαλον δὲ πανδημεὶ καὶ οἱ Φωκεῖσ ἐσ τὴν Λοκρίδα καὶ ἐδῄωσαν τὴν χώραν. ἐπηγάγοντο οὖν οἱ Λοκροὶ συμμάχουσ Θηβαίουσ καὶ τὴν Φωκίδα ἐπόρθησαν·

ἐσ δὲ τὴν Λακεδαίμονα ἐλθόντεσ οἱ Φωκεῖσ τοῖσ Θηβαίοισ ἐπέκειντο καὶ ἐδίδασκον οἱᾶ ἐπεπόνθεσαν ὑπ’ αὐτῶν. Λακεδαιμονίοισ δὲ πόλεμον πρὸσ Θηβαίουσ ἔδοξεν ἄρασθαι· ἐποιοῦντο δὲ ἐσ αὐτοὺσ καὶ ἄλλα ἐγκλήματα καὶ τὴν ἐν Αὐλίδι αὐτῶν ὕβριν ἐσ τὴν Ἀγησιλάου θυσίαν. Ἀθηναῖοι δὲ τὴν διάνοιαν τῶν Λακεδαιμονίων προπεπυσμένοι πέμπουσιν ἐσ Σπάρτην, ὅπλα μὲν ἐπὶ σφᾶσ ἐπὶ Θήβασ δεόμενοι μὴ κινῆσαι, δίκῃ δὲ ὑπὲρ ὧν ἐγκαλοῦσι διακρίνεσθαι·

Λακεδαιμόνιοι δὲ πρὸσ ὀργὴν ἀποπέμπουσι τὴν πρεσβείαν. τὰ δὲ ἐπὶ τούτοισ ἔσ τε τὴν Λακεδαιμονίων ἔξοδον καὶ τὰ ἐσ τὴν Λυσάνδρου τελευτὴν ἐδήλωσέ μοι τοῦ λόγου τὰ ἐσ Παυσανίαν· καὶ ὁ κληθεὶσ Κορινθιακὸσ πόλεμοσ ἐσ πλέον ἀεὶ προῆλθεν ἀπὸ τῆσ Λακεδαιμονίων ἀρξάμενοσ ἐσ Βοιωτίαν ἐξόδου.

κατὰ ταύτην μὲν δὴ τὴν ἀνάγκην ὀπίσω τὸ στράτευμα ἐκ τῆσ Ἀσίασ ἀπῆγεν Ἀγησίλαοσ· ἐπεὶ δὲ ἐξ Ἀβύδου περαιωθεὶσ ναυσὶν ἐσ Σηστὸν καὶ διεξελθὼν τὴν Θρᾴκην ἀφίκετο ἐσ Θεσσαλίαν, ἐνταῦθα οἱ Θεσσαλοὶ χάριτι τῇ ἐσ Θηβαίουσ τοῦ πρόσω τὸν Ἀγησίλαον ἐπειρῶντο εἴργειν· ἦν δέ τι εὐνοίασ ἐκ παλαιοῦ καὶ ἐσ τὴν πόλιν αὐτοῖσ τὴν Ἀθηναίων. Ἀγησίλαοσ δὲ Θεσσαλίαν τε διεξῆλθε τρεψάμενοσ αὐτῶν τὸ ἱππικὸν καὶ αὖθισ διὰ Βοιωτῶν διώδευσε Θηβαίουσ ἐν Κορωνείᾳ καὶ τὸ ἄλλο νικήσασ συμμαχικόν.

ὡσ δὲ ἐτράποντο οἱ Βοιωτοί, καταφεύγουσιν ἄνδρεσ ἐξ αὐτῶν ἐσ ἱερὸν Ἀθηνᾶσ ἐπίκλησιν Ἰτωνίασ· Ἀγησίλαοσ δὲ εἶχε μὲν τραῦμα ἐκ τῆσ μάχησ, ἐσ δὲ τοὺσ ἱκέτασ παρενόμησεν οὐδ’ οὕτωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 9

(파우사니아스, Description of Greece, Λακωνικά, chapter 9)

상위

목록

SEARCH

MENU NAVIGATION