헬라어 문장 검색 - Παυσαν́Δεσξριπ́3́08́

(파우사니아스, Description of Greece, Λακωνικά, chapter 8)

Ἀρχιδάμου δὲ ὡσ ἐτελεύτα καταλιπόντοσ παῖδασ Ἆγίσ τε πρεσβύτεροσ ἦν ἡλικίᾳ καὶ παρέλαβεν ἀντὶ Ἀγησιλάου τὴν ἀρχήν. ἐγένετο δὲ Ἀρχιδάμῳ καὶ θυγάτηρ, ὄνομα μὲν Κυνίσκα, φιλοτιμότατα δὲ ἐσ τὸν ἀγῶνα ἔσχε τὸν Ὀλυμπικόν καὶ πρώτη τε ἱπποτρόφησε γυναικῶν καὶ νίκην ἀνείλετο Ὀλυμπικὴν πρώτη. Κυνίσκασ δὲ ὕστερον γυναιξὶ καὶ ἄλλαισ καὶ μάλιστα ταῖσ ἐκ Λακεδαίμονοσ γεγόνασιν Ὀλυμπικαὶ νῖκαι, ὧν ἡ ἐπιφανεστέρα ἐσ τὰσ νίκασ <οὐδεμία> ἐστὶν αὐτῆσ. δοκοῦσι δὲ οἱ Σπαρτιᾶταί μοι ποίησιν καὶ ἔπαινον τὸν ἀπ’ αὐτῆσ ἥκιστα ἀνθρώπων θαυμάσαι·

ὅτι γὰρ μὴ τῇ Κυνίσκᾳ τὸ ἐπίγραμμα ἐποίησεν ὅστισ δή, καὶ ἔτι πρότερον Παυσανίᾳ τὸ ἐπὶ τῷ τρίποδι Σιμωνίδησ τῷ ἀνατεθέντι ἐσ Δελφούσ, ἄλλο δέ γε παρὰ ἀνδρὸσ ποιητοῦ Λακεδαιμονίων τοῖσ βασιλεῦσιν οὐδέν ἐστιν ἐσ μνήμην. ἐπὶ δὲ Ἄγιδοσ τοῦ Ἀρχιδάμου βασιλεύοντοσ Λακεδαιμονίοισ ἄλλα τε ἐγένετο ἐσ Ἠλείουσ ἐγκλήματα καὶ τοῦ ἀγῶνοσ τοῦ Ὀλυμπικοῦ καὶ ἱεροῦ τοῦ Ὀλυμπίασιν ὑπ’ αὐτῶν εἰργόμενοι μάλιστα ἤχθοντο.

ἀποστέλλουσιν οὖν κήρυκα ἐπίταγμα φέροντα Ἠλείοισ Λεπρεάτασ τε αὐτονόμουσ ἀφιέναι καὶ ὅσοι τῶν περιοίκων ἄλλοι σφίσιν ἦσαν ὑπήκοοι. ἐπειδὰν τὰσ περιοικίδασ τῆσ Σπάρτησ πόλεισ ἴδωσιν ἐλευθέρασ, οὐδὲ αὐτοὶ μελλήσουσιν ἔτι ἀφιέναι τὰσ ἑαυτῶν, οὕτω Λακεδαιμόνιοι καὶ ὁ βασιλεὺσ Ἆγισ ἐσβάλλουσιν ἐσ τὴν Ἠλείαν.

τότε μὲν δὴ τοῦ θεοῦ σείσαντοσ ὀπίσω τὸ στράτευμα ἀπεχώρησεν ἄχρι Ὀλυμπίασ καὶ τοῦ Ἀλφειοῦ προελθόντεσ·

τῷ δὲ ἐφεξῆσ ἔτει τήν τε χώραν ἐδῄωσεν ὁ Ἆγισ καὶ ἤλασε τῆσ λείασ τὴν πολλήν. Ξενίασ δὲ ἀνὴρ Ἠλεῖοσ Ἄγιδί τε ἰδίᾳ ξένοσ καὶ Λακεδαιμονίων τοῦ κοινοῦ πρόξενοσ ἐπανέστη τῷ δήμῳ σὺν τοῖσ τὰ χρήματα ἔχουσι· πρὶν δὲ Ἆγιν καὶ τὸν στρατὸν ἀφῖχθαί σφισιν ἀμύνοντασ, Θρασυδαῖοσ προεστηκὼσ τότε τοῦ Ἠλείων δήμου μάχῃ Ξενίαν καὶ τοὺσ σὺν αὐτῷ κρατήσασ ἐξέβαλεν ἐκ τῆσ πόλεωσ. Ἆγισ δὲ ὡσ ἀπήγαγεν ὀπίσω τὴν στρατιάν, Λυσίστρατον Σπαρτιάτην καὶ μοῖράν τε τῆσ δυνάμεωσ καὶ Ἠλείων καταλείπει τοὺσ φυγάδασ, κακουργεῖν σφᾶσ ὁμοῦ Λεπρεάταισ τὴν χώραν.

τρίτῳ δὲ ἔτει τοῦ πολέμου Λακεδαιμόνιοι μὲν καὶ Ἆγισ παρεσκευάζοντο ὡσ ἐσ τὴν Ἠλείαν καὶ τότε ἐσβαλοῦντεσ· οἱ δὲ Ἠλεῖοι καὶ Θρασυδαῖοσ ‐ κεκακωμένοι γὰρ ἐσ τὸ ἔσχατον ἦσαν ‐ συγχωροῦσι μήτε τῶν περιοίκων ἔτι ἄρχειν καὶ τοῦ ἄστεωσ κατερεῖψαι τὸ τεῖχοσ, Λακεδαιμονίουσ τε ἐν Ὀλυμπίᾳ καὶ θύειν τῷ θεῷ καὶ τὸν ἀγῶνα ἐξεῖναί σφισιν ἀγωνίζεσθαι. ἐνέβαλλε δὲ καὶ ἐσ τὴν Ἀττικὴν συνεχῶσ ὁ Ἆγισ στρατιᾷ καὶ ἐπετείχισε φρούριον Ἀθηναίοισ τὸ ἐν Δεκελείᾳ·

Ἀριστοκρίτου καὶ Ἆγισ ὁρ́κουσ μὲν θεῶν ὑπερέβησαν, οὓσ ὤμοσαν Ἀθηναίοισ ἐν κοινῷ Λακεδαιμόνιοι, κατὰ σφᾶσ δὲ αὐτοὶ καὶ οὐ μετὰ Σπαρτιατῶν τοῦ κοινοῦ τὸ βούλευμα ἐσ τοὺσ συμμάχουσ ἐξήνεγκαν ἐκκόψαι προρρίζουσ τὰσ Ἀθήνασ.

τὰ μὲν οὖν ἐσ πόλεμον μάλιστα ἐπίσημα τοιαῦτα ὑπῆρχε τῷ Ἄγιδι·

προπέτειαν δὲ τὴν Ἀρίστωνοσ ἐσ Δημάρατον καὶ Ἆγισ ἐσ τὸν παῖδα ἔσχε Λεωτυχίδην, καί οἱ κατά τινα οὐκ ἀγαθὸν δαίμονα ἐσῆλθεν ἐσ ἐπήκοον τῶν ἐφόρων εἰπεῖν ὡσ οὐχ αὑτοῦ νομίζοι Λεωτυχίδην. ἐπέλαβε μέντοι καὶ Ἆγιν μετάνοια ὕστερον, καὶ ‐ ἔφερον γὰρ τηνικαῦτα οἴκαδε ἐξ Ἀρκαδίασ αὐτὸν νοσοῦντα ‐ ὡσ ἐγίνετο ἐν Ἡραίᾳ, καὶ τὸ πλῆθοσ μάρτυρασ ἐποιεῖτο ἦ μὴν Λεωτυχίδην ἑαυτοῦ παῖδα ἡγεῖσθαι καί σφισι σὺν ἱκεσίᾳ τε καὶ δακρύοισ ἐπέσκηπτε πρὸσ Λακεδαιμονίουσ ταῦτα ἀπαγγέλλειν. μετὰ δὲ Ἆγιν ἀποθανόντα ἀπήλαυνεν Ἀγησίλαοσ τῆσ βασιλείασ Λεωτυχίδην, ἐσ μνήμην ἄγων Λακεδαιμονίοισ τὰ ὑπὸ Ἄγιδόσ ποτε λεχθέντα ἐσ τὸν Λεωτυχίδην.

ἀφίκοντο δὲ καὶ οἱ ἐξ Ἡραίασ Ἀρκάδεσ καὶ ἦσαν τῷ Λεωτυχίδῃ μάρτυρεσ ὁπόσα Ἄγιδοσ τελευτῶντοσ ἤκουσαν. τῷ δὲ Ἀγησιλάῳ καὶ Λεωτυχίδῃ παρέσχεν ἐσ πλέον τὸ μάντευμα ἀντιλογίαν τὸ ἐκ Δελφῶν, γεγονὸσ μὲν ἐκεῖ, ἔχον δὲ οὕτω·

φράζεο δή, Σπάρτη, καίπερ μεγάλαυχοσ ἐοῦσα,μὴ σέθεν ἀρτίποδοσ βλάστῃ χωλὴ βασιλεία. δηρὸν γὰρ μόχθοι σε κατασχήσουσιν ἀέλπτοιφθερσιβρότου τ’ ἐπὶ κῦμα κυκωόμενον πολέμοιο. τότε οὖν Λεωτυχίδησ μὲν ἐσ Ἀγησίλαον ταῦτα ἔφασκεν εἰρῆσθαι, τὸν γὰρ δὴ ἕτερον τῶν ποδῶν ἐπεπήρωτο ὁ Ἀγησίλαοσ·

Ἀγησίλαοσ δὲ ἐσ Λεωτυχίδην αὐτὰ ἔτρεπεν οὐ γνήσιον ὄντα Ἄγιδοσ. Λακεδαιμόνιοι δέ, καίπερ ἐπὶ σφίσιν ὄν, οὐκ ἐπανήγαγον τὸ ἀμφισβήτημα ἐσ Δελφούσ· αἴτιοσ δ’ ἐμοὶ δοκεῖν Λύσανδροσ ἐγένετο ὁ Ἀριστοκρίτου <Ἀγησιλάῳ> συσπεύδων ἐξ ἅπαντοσ τὴν βασιλείαν γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 8

(파우사니아스, Description of Greece, Λακωνικά, chapter 8)

상위

목록

SEARCH

MENU NAVIGATION