헬라어 문장 검색 - Παυσαν́Δεσξριπ́3́06́

(파우사니아스, Description of Greece, Λακωνικά, chapter 6)

Ἀγησιπόλιδοσ δὲ ἄπαιδοσ τελευτήσαντοσ ἐσ Κλεόμβροτον περιῆλθεν ἡ ἀρχή, καὶ ὑπὸ ἡγεμόνι τούτῳ Βοιωτοῖσ ἐναντία ἠγωνίσαντο ἐν Λεύκτροισ· Κλεόμβροτοσ δὲ αὐτὸσ γενόμενοσ ἀνὴρ ἀγαθὸσ ἀρχομένησ ἔτι ἔπεσε τῆσ μάχησ. μάλιστα δέ πωσ ἐπὶ πταίσμασιν ἐθέλει μεγάλοισ προαφαιρεῖσθαι τὸν ἡγεμόνα ὁ δαίμων, καθὰ δὴ καὶ Ἀθηναίων ἀπῆγεν Ἱπποκράτην τε τὸν Ἀρίφρονοσ στρατηγοῦντα ἐπὶ Δηλίῳ καὶ ὕστερον ἐν Θεσσαλίᾳ Λεωσθένην. Κλεομβρότου δὲ ὁ μὲν πρεσβύτεροσ τῶν παίδων Ἀγησίπολισ παρέσχετο μέγα οὐδὲν ἐσ μνήμην, Κλεομένησ δὲ ὁ νεώτεροσ μετὰ τὸν ἀδελφὸν τελευτήσαντα ἔσχε τὴν ἀρχήν.

γενομένων δὲ αὐτῷ παίδων Ἀκροτάτου καὶ ἐπ’ αὐτῷ Κλεωνύμου κατήγαγε τὸ χρεὼν Ἀκρότατον ἔτι πρότερον ἢ αὐτὸν Κλεομένην, καὶ ὡσ Κλεομένησ ἀπέθανεν ὕστερον, ἐσ ἀντιλογίαν ἀφίκοντο ὑπὲρ τῆσ βασιλείασ Κλεώνυμόσ τε ὁ Κλεομένουσ καὶ Ἀρεὺσ ὁ Ἀκροτάτου. τῷ Ἀκροτάτου καὶ οὐχὶ Κλεωνύμῳ πατρῴαν εἶναι τὴν τιμήν.

Κλεωνύμῳ δὲ ἀπελαθέντι τῆσ βασιλείασ περισσῶσ δή τι ὁ θυμὸσ ᾤδει, καὶ αὐτὸν οἱ ἔφοροι καὶ ἄλλοισ γέρασι ψυχαγωγοῦντεσ καὶ ἐπὶ ταῖσ δυνάμεσιν ἐφιστάντεσ ἄρχοντα παρῆγον μή ποτε πολέμιον γενέσθαι τῇ Σπάρτῃ.

τέλοσ δὲ ὁ μὲν πολλά τε καὶ ἐχθρὰ ἐσ τὴν πατρίδα ἐτόλμησε καὶ Πύρρον τὸν Αἰακίδου σφίσιν ἐπηγάγετο ἐσ τὴν χώραν· Ἀρέωσ δὲ ἐν Σπάρτῃ τοῦ Ἀκροτάτου βασιλεύοντοσ Ἀντίγονοσ ὁ Δημητρίου πεζῷ τε καὶ ναυσὶν ἐπὶ Ἀθήνασ στρατεύει.

τοῖσ δὲ Ἀθηναίοισ ἀμυνοῦντεσ ἀφίκοντο μὲν ὁ Αἰγυπτίων ὁμοῦ Πατρόκλῳ στόλοσ, ἐξίασι δὲ καὶ οἱ Λακεδαιμόνιοι πανδημεί, τὸν βασιλέα ἡγεῖσθαί σφισιν Ἀρέα ἐπιτάξαντεσ. περικαθημένου δὲ Ἀντιγόνου τὰσ Ἀθήνασ καὶ τῆσ ἐσόδου τῆσ ἐσ τὴν πόλιν τὰ Ἀθηναίων συμμαχικὰ εἴργοντοσ, Πάτροκλοσ ἀποστέλλων ἀγγέλουσ προέτρεπε Λακεδαιμονίουσ καὶ Ἀρέα ἄρχειν πρὸσ Ἀντίγονον μάχησ, ἐκείνων δὲ ἀρξάντων οὕτω καὶ αὐτὸσ κατὰ νώτου τοῖσ Μακεδόσιν ἔφασκεν ἐπικείσεσθαι·

πρότερον δὲ οὐκ εἰκὸσ εἶναι σφᾶσ Αἰγυπτίουσ τε ὄντασ καὶ ναύτασ Μακεδόσιν ἐπιέναι πεζῇ. Λακεδαιμόνιοι μὲν δὴ παρακινδυνεύειν ὡρ́μηντο Ἀθηναίων τε εὐνοίᾳ καί τι καὶ ἄξιον μνήμησ ἐσ τοὺσ ἔπειτα ἐργάσασθαι προθυμούμενοι· Ἀρεὺσ δέ, ὥσ σφισι τὰ ἐπιτήδεια ἐξανήλωτο, ἀπῆγεν ὀπίσω τὴν στρατιάν.

ταμιεύεσθαι γὰρ τὴν ἀπόνοιαν ἐσ τὰ οἰκεῖα ἠξίου καὶ μὴ ἀφειδῶσ ἐπ’ ἀλλοτρίοισ ἀναρρῖψαι. τοῖσ δὲ Ἀθηναίοισ ἀντισχοῦσιν ἐπὶ μακρότατον ἐποιήσατο Ἀντίγονοσ εἰρήνην, ἐφ’ ᾧ τέ σφισιν ἐπαγάγῃ φρουρὰν ἐσ τὸ Μουσεῖον. καὶ τοῖσ μὲν ἀνὰ χρόνον αὐτὸσ ἐξήγαγεν ἑκουσίωσ τὴν φρουρὰν ὁ Ἀντίγονοσ, Ἀρέωσ δὲ ἐγένετο υἱὸσ Ἀκρότατοσ, τοῦ δὲ Ἀρεύσ, ὃσ ὀκτὼ μάλιστα ἔτη γεγονὼσ τελευτᾷ νόσῳ.

καὶ ἐλείπετο γὰρ τῆσ Εὐρυσθένουσ οἰκίασ γένοσ τὸ πρὸσ ἀνδρῶν Λεωνίδασ ὁ Κλεωνύμου, παντάπασιν ἤδη γέρων·

τούτῳ δὴ διδόασιν οἱ Λακεδαιμόνιοι τὴν ἀρχὴν. τῷ δὲ Λεωνίδᾳ διάφοροσ ἐτύγχανεν ὢν ἐσ τὰ μάλιστα Λύσανδροσ, ἀπόγονοσ Λυσάνδρου τοῦ Ἀριστοκρίτου. οὗτοσ προσποιεῖται Κλεόμβροτον θυγατέρα ἔχοντα Λεωνίδου· τοῦτον δὲ οἰκειωσάμενοσ ἐπῆγε Λεωνίδᾳ καὶ ἄλλα ἐγκλήματα καὶ ὁρ́κουσ αὐτὸν Κλεωνύμῳ τῷ πατρὶ ὀμόσαι παῖδα ὄντα ἐπὶ ὀλέθρῳ τῆσ Σπάρτησ. ἐπαύσθη τε δὴ Λεωνίδασ βασιλείασ καὶ ἀντ’ αὐτοῦ Κλεόμβροτοσ ἔσχε τὴν τιμήν.

εἰ μὲν δὴ ὁ Λεωνίδασ ἐπέτρεψε τῷ θυμῷ καὶ Δημαράτῳ τῷ Ἀρίστωνοσ κατὰ ταὐτὰ ἀπεχώρησεν ἤτοι παρὰ τὸν ἐν Μακεδονίᾳ βασιλεύοντα ἢ τὸν Αἰγύπτιον, ὁ δὲ καὶ μεταγνόντων ἂν Σπαρτιατῶν ὤνατο οὐδέν· νῦν δὲ ἐπιβαλόντων οἱ φυγὴν τῶν πολιτῶν ἀφίκετο ἐσ Ἀρκαδίαν, ἐκεῖθεν δὲ ἔτεσιν ὕστερον οὐ πολλοῖσ κατάγουσί τε αὐτὸν Λακεδαιμόνιοι καὶ αὖθισ βασιλέα ἐποιήσαντο. Κλεομένει δὲ τῷ Λεωνίδουσ τά τε ἄλλα ὁποῖα ἐσ τόλμαν ἐτόλμησαν ὁμοῦ καὶ ἀνδρείαν ὑπῆρξε καὶ ὡσ ἐπαύσαντο ἐξ ἐκείνου Σπαρτιᾶται βασιλευόμενοι, πρότερον ἔτι ἐδήλωσέ μοι τὰ ἐσ τὸν Σικυώνιον Ἄρατον·

προσεπελάβετο δὲ ὁ λόγοσ μοι καὶ τρόπον ὅντινα ἐν Αἰγύπτῳ Κλεομένησ ἐτελεύτησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 6

(파우사니아스, Description of Greece, Λακωνικά, chapter 6)

상위

목록

SEARCH

MENU NAVIGATION