헬라어 문장 검색 - Παυσαν́Δεσξριπ́3́02́

(파우사니아스, Description of Greece, Λακωνικά, chapter 2)

Εὐρυσθένει πρεσβυτέρῳ τῶν Ἀριστοδήμου παίδων ὄντι ἡλικίαν γενέσθαι λέγουσιν υἱὸν Ἆγιν· ἀπὸ τούτου δὲ τὸ γένοσ τὸ Εὐρυσθένουσ καλοῦσιν Ἀγιάδασ. ἐπὶ τούτου Πατρεῖ τῷ Πρευγένουσ κτίζοντι ἐν Ἀχαί̈ᾳ πόλιν, ἥντινα Πάτρασ καὶ ἐσ ἡμᾶσ καλοῦσιν ἀπὸ τοῦ Πατρέωσ τούτου, συνεπελάβοντο Λακεδαιμόνιοι τοῦ οἰκισμοῦ. συνήραντο δὲ καὶ Γρᾷ τῷ Ἐχέλα τοῦ Πενθίλου τοῦ Ὀρέστου στελλομένῳ ναυσὶν ἐσ ἀποικίαν. καὶ ὁ μὲν τὴν τῆσ Ιὠνίασ μεταξὺ καὶ Μυσῶν, καλουμένην δὲ Αἰολίδα ἐφ’ ἡμῶν, καθέξειν ἔμελλεν·

ὁ δέ οἱ πρόγονοσ Πενθίλοσ Λέσβον τὴν ὑπὲρ τῆσ ἠπείρου ταύτησ νῆσον εἷλεν ἔτι πρότερον. ἐπὶ δὲ Ἐχεστράτου τοῦ Ἄγιδοσ βασιλεύοντεσ ἐν Σπάρτῃ Κυνουρέασ τοὺσ ἐν τῇ ἡλικίᾳ Λακεδαιμόνιοι ποιοῦσιν ἀναστάτουσ, αἰτίαν ἐπενεγκόντεσ ὡσ τὴν Ἀργολίδα συγγενῶν σφισιν ὄντων Ἀργείων λῃσταί τε ἐκ τῆσ Κυνουριακῆσ κακουργοῖεν καὶ αὐτοὶ καταδρομὰσ ἐκ τοῦ φανεροῦ ποιοῖντο ἐσ τὴν γῆν.

λέγονται δὲ οἱ Κυνουρεῖσ Ἀργεῖοι τὸ ἀνέκαθεν εἶναι, καὶ οἰκιστήν φασιν αὐτῶν Κύνουρον γενέσθαι τὸν Περσέωσ. ἔτεσι δὲ ὕστερον οὐ πολλοῖσ Λαβώτασ ὁ Ἐχεστράτου τὴν ἀρχὴν ἔσχεν ἐν Σπάρτῃ.

τοῦτον τὸν Λαβώταν Ἡρόδοτοσ ἐν τῷ λόγῳ τῷ ἐσ Κροῖσον ὑπὸ Λυκούργου τοῦ θεμένου τοὺσ νόμουσ φησὶν ἐπιτροπευθῆναι παῖδα ὄντα· Λεωβώτην δέ οἱ τίθεται τὸ ὄνομα καὶ οὐ Λαβώταν. Λακεδαιμονίοισ δὲ πρῶτον τότε ἔδοξεν ἄρασθαι πρὸσ Ἀργείουσ πόλεμον· ἐποιοῦντο δὲ ἐσ αὐτοὺσ ἐγκλήματα τήν τε Κυνουριακὴν ἑλόντων αὑτῶν ἀποτέμνεσθαι τοὺσ Ἀργείουσ καὶ τοὺσ περιοίκουσ σφῶν ὑπηκόουσ ὄντασ ἀφιστάναι. τότε μὲν δὴ παρὰ οὐδετέρων πολεμησάντων ὅμωσ μνήμησ ἄξιον πραχθῆναί φασιν οὐδέν· τοὺσ δὲ ἐφεξῆσ βασιλεύσαντασ τῆσ οἰκίασ ταύτησ Δόρυσσον τὸν Λαβώτα καὶ Ἀγησίλαον Δορύσσου δι’ ὀλίγου σφᾶσ τὸ χρεὼν ἐπέλαβεν ἀμφοτέρουσ.

ἔθηκε δὲ καὶ Λυκοῦργοσ Λακεδαιμονίοισ τοὺσ νόμουσ ἐπὶ τῆσ Ἀγησιλάου βασιλείασ·

θεῖναι δὲ αὐτὸν λέγουσιν οἱ μὲν παρὰ τῆσ Πυθίασ διδαχθέντα ὑπὲρ αὐτῶν, οἱ δὲ ὡσ Κρητικὰ ὄντα νόμιμα ἐπαγάγοιτο. τούτουσ δὲ οἱ Κρῆτεσ τοὺσ νόμουσ τεθῆναί σφισιν ὑπὸ Μίνω λέγουσι, βουλεύσασθαι δὲ ὑπὲρ τῶν νόμων οὐκ ἄνευ θεοῦ τὸν Μίνω. ᾐνίξατο δὲ καὶ Ὅμηροσ ἐμοὶ δοκεῖν περὶ τοῦ Μίνω τῆσ νομοθεσίασ ἐν τοῖσδε τοῖσ ἔπεσι· τῇσι δ’ ἐνὶ Κνωσσόσ, μεγάλη πόλισ, ἔνθα τε Μίνωσἐννέωροσ βασίλευε Διὸσ μεγάλου ὀαριστήσ. Λυκούργου μὲν οὖν καὶ ἐν τοῖσ ἔπειτα τοῦ λόγου ποιήσομαι μνήμην·

Ἀγησιλάου δὲ παῖσ ἐγένετο Ἀρχέλαοσ. ἐπὶ τούτου Λακεδαιμόνιοι πολέμῳ κρατήσαντεσ πόλιν τῶν περιοικίδων ἠνδραποδίσαντο Αἴγυν, ὑποπτεύσαντεσ ὡσ οἱ Αἰγῦται φρονοῦσι τὰ Ἀρκάδων. Χαρίλαοσ δὲ ὁ τῆσ ἑτέρασ οἰκίασ βασιλεὺσ συνεξεῖλε μὲν καὶ Ἀρχελάῳ τὴν Αἴγυν, ὁπόσα δὲ καὶ ἰδίᾳ Λακεδαιμονίων αὐτὸσ ἔδρασεν ἡγούμενοσ, μνήμην καὶ τῶνδε ποιησόμεθα ὁμοῦ τῷ λόγῳ μεταβάντι ἐσ τοὺσ Εὐρυπωντίδασ καλουμένουσ. Ἀρχελάου δὲ ἦν Τήλεκλοσ·

ἐπὶ τούτου πόλεισ Λακεδαιμόνιοι τῶν περιοικίδων πολέμῳ κρατήσαντεσ ἐξεῖλον Ἀμύκλασ καὶ Φᾶριν καὶ Γεράνθρασ, ἐχόντων ἔτι Ἀχαιῶν. τούτων Φαρῖται καὶ Γερανθρᾶται τὴν ἔφοδον τῶν Δωριέων καταπλαγέντεσ ἀπελθεῖν ἐκ Πελοποννήσου συγχωροῦνται ὑπόσπονδοι· τοὺσ δὲ Ἀμυκλαιεῖσ οὐκ ἐξ ἐπιδρομῆσ ἐκβάλλουσιν, ἀλλὰ ἀντισχόντασ τε ἐπὶ πολὺ τῷ πολέμῳ καὶ ἔργα οὐκ ἄδοξα ἐπιδειξαμένουσ. δηλοῦσι δὲ καὶ οἱ Δωριεῖσ τρόπαιον ἐπὶ τοῖσ Ἀμυκλαιεῦσιν ἀναστήσαντεσ, ὡσ ἐν τῷ τότε λόγου μάλιστα ἄξιον τοῦτο ὑπάρξαν σφίσιν.

οὐ πολλῷ δὲ ὕστερον τούτων ἀπέθανεν ὑπὸ Μεσσηνίων Τήλεκλοσ ἐν Ἀρτέμιδοσ ἱερῷ· τὸ δὲ ἱερὸν τοῦτο ἐν μεθορίῳ τῆσ τε Λακωνικῆσ καὶ τῆσ Μεσσηνίασ ἐπεποίητο ἐν χωρίῳ καλουμένῳ Λίμναισ. Τηλέκλου δὲ ἀποθανόντοσ Ἀλκαμένησ ἔσχεν ὁ Τηλέκλου τὴν ἀρχήν·

καὶ Λακεδαιμόνιοι πέμπουσιν ἐσ Κρήτην Χαρμίδαν τὸν Εὔθυοσ, ἄνδρα ἐν Σπάρτῃ τῶν δοκίμων, στάσεισ τε καταπαύσοντα τοῖσ Κρησὶ καὶ τὰ πολίσματα, ὁπόσα ἦν ἀπωτέρω θαλάσσησ καὶ ἄλλωσ ἀσθενῆ, ταῦτα μὲν τοὺσ Κρῆτασ πείσοντα ἐκλιπεῖν, τὰ δὲ ἐν ἐπικαίρῳ τοῦ παράπλου συνοικιοῦντα ἀντ’ αὐτῶν. ἀνέστησαν δὲ καὶ Ἕλοσ ἐπὶ θαλάσσῃ πόλισμα Ἀχαιῶν ἐχόντων καὶ Ἀργείουσ τοῖσ εἵλωσιν ἀμύναντασ μάχῃ νικῶσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 2

(파우사니아스, Description of Greece, Λακωνικά, chapter 2)

상위

목록

SEARCH

MENU NAVIGATION