Pausanias, Description of Greece, Λακωνικά, chapter 2 10:

Ἀρχελάου δὲ ἦν Τήλεκλοσ· ἐπὶ τούτου πόλεισ Λακεδαιμόνιοι τῶν περιοικίδων πολέμῳ κρατήσαντεσ ἐξεῖλον Ἀμύκλασ καὶ Φᾶριν καὶ Γεράνθρασ, ἐχόντων ἔτι Ἀχαιῶν. τούτων Φαρῖται καὶ Γερανθρᾶται τὴν ἔφοδον τῶν Δωριέων καταπλαγέντεσ ἀπελθεῖν ἐκ Πελοποννήσου συγχωροῦνται ὑπόσπονδοι· τοὺσ δὲ Ἀμυκλαιεῖσ οὐκ ἐξ ἐπιδρομῆσ ἐκβάλλουσιν, ἀλλὰ ἀντισχόντασ τε ἐπὶ πολὺ τῷ πολέμῳ καὶ ἔργα οὐκ ἄδοξα ἐπιδειξαμένουσ.