헬라어 문장 검색 - Παυσαν́Δεσξριπ́3́01́

(파우사니아스, Description of Greece, Λακωνικά, chapter 1)

μετὰ δὲ τοὺσ Ἑρμᾶσ ἐστιν ἤδη Λακωνικὴ τὰ πρὸσ ἑσπέρασ. ὡσ δὲ αὐτοὶ Λακεδαιμόνιοι λέγουσι, Λέλεξ αὐτόχθων ὢν ἐβασίλευσε πρῶτοσ ἐν τῇ γῇ ταύτῃ καὶ ἀπὸ τούτου Λέλεγεσ ὧν ἦρχεν ὠνομάσθησαν. Λέλεγοσ δὲ γίνεται Μύλησ καὶ νεώτεροσ Πολυκάων. Πολυκάων μὲν δὴ ὅποι καὶ δι’ ἥντινα αἰτίαν ἀπεχώρησεν, ἑτέρωθι δηλώσω· Εὐρώτασ τὴν ἀρχήν.

οὗτοσ τὸ ὕδωρ τὸ λιμνάζον ἐν τῷ πεδίῳ διώρυγι κατήγαγεν ἐπὶ θάλασσαν, ἀπορρυέντοσ δὲ ‐ ἦν γὰν δὴ τὸ ὑπόλοιπον ποταμοῦ ῥεῦμα ‐ ὠνόμασεν Εὐρώταν. ἅτε δὲ οὐκ ὄντων·

αὐτῷ παίδων ἀρρένων βασιλεύειν καταλείπει Λακεδαίμονα, μητρὸσ μὲν Ταϋγέτησ ὄντα, ἀφ’ ἧσ καὶ τὸ ὄροσ ὠνομάσθη, ἐσ Δία δὲ πατέρα ἀνήκοντα κατὰ τὴν φήμην· συνῴκει δὲ ὁ Λακεδαίμων Σπάρτῃ θυγατρὶ τοῦ Εὐρώτα. τότε δὲ ὡσ ἔσχε τὴν ἀρχήν, πρῶτα μὲν τῇ χώρᾳ καὶ τοῖσ ἀνθρώποισ μετέθετο ἀφ’ αὑτοῦ τὰ ὀνόματα, μετὰ δὲ τοῦτο ᾤκισέ τε καὶ ὠνόμασεν ἀπὸ τῆσ γυναικὸσ πόλιν, ἣ Σπάρτη καλεῖται καὶ ἐσ ἡμᾶσ. Ἀμύκλασ δὲ ὁ Λακεδαίμονοσ, βουλόμενοσ ὑπολιπέσθαι τι καὶ αὐτὸσ ἐσ μνήμην, πόλισμα ἔκτισεν ἐν τῇ Λακωνικῇ.

γενομένων δέ οἱ παίδων Υἅκινθον μὲν νεώτατον ὄντα καὶ τὸ εἶδοσ κάλλιστον κατέλαβεν ἡ πεπρωμένη πρότερον τοῦ πατρόσ, καὶ Υἁκίνθου μνῆμά ἐστιν ἐν Ἀμύκλαισ ὑπὸ τὸ ἄγαλμα τοῦ Ἀπόλλωνοσ. ἀποθανόντοσ δὲ Ἀμύκλα ἐσ Ἄργαλον τὸν πρεσβύτατον τῶν Ἀμύκλα παίδων καὶ ὕστερον ἐσ Κυνόρταν Ἀργάλου τελευτήσαντοσ ἀφίκετο ἡ ἀρχή. Κυνόρτα δὲ ἐγένετο Οἴβαλοσ.

οὗτοσ Γοργοφόνην τε τὴν Περσέωσ γυναῖκα ἔσχεν ἐξ Ἄργουσ καὶ παῖδα ἔσχε Τυνδάρεων, ᾧ περὶ τῆσ βασιλείασ Ἱπποκόων ἠμφισβήτει καὶ κατὰ πρεσβείαν ἔχειν ἠξίου τὴν ἀρχήν. προσλαβὼν δὲ Ἰκάριον καὶ τοὺσ στασιώτασ παρὰ πολύ τε ὑπερεβάλετο δυνάμει Τυνδάρεων καὶ ἠνάγκασεν ἀποχωρῆσαι δείσαντα, ὡσ μὲν Λακεδαιμόνιοί φασιν, ἐσ Πελλάναν, Μεσσηνίων δέ ἐστιν ἐσ αὐτὸν λόγοσ Τυνδάρεων φεύγοντα ἐλθεῖν ὡσ Ἀφαρέα ἐσ τὴν Μεσσηνίαν εἶναί τε Ἀφαρέα τὸν Περιήρουσ ἀδελφὸν Τυνδάρεω πρὸσ μητρόσ· καὶ οἰκῆσαί τε αὐτὸν τῆσ Μεσσηνίασ φασὶν ἐν Θαλάμαισ καὶ τοὺσ παῖδασ ἐνταῦθα οἰκοῦντι αὐτῷ γενέσθαι.

χρόνῳ δὲ ὕστερον κατῆλθέ τε ὑπὸ Ἡρακλέουσ Τυνδάρεωσ καὶ ἀνενεώσατο τὴν ἀρχὴν·

ἐβασίλευσαν δὲ καὶ οἱ Τυνδάρεω παῖδεσ καὶ Μενέλαοσ ὁ Ἀτρέωσ Τυνδάρεω γαμβρὸσ ὢν Ὀρέστησ τε Ἑρμιόνῃ τῇ Μενελάου συνοικῶν. κατελθόντων δὲ Ἡρακλειδῶν ἐπὶ Τισαμενοῦ τοῦ Ὀρέστου βασιλεύοντοσ, Μεσσήνη μὲν καὶ Ἄργοσ ἑκατέρα μοῖρα Τήμενον, ἡ δὲ Κρεσφόντην ἔσχεν ἄρχοντασ· ἐν Λακεδαίμονι δὲ ὄντων διδύμων τῶν Ἀριστοδήμου παίδων οἰκίαι δύο βασίλειαι γίνονται· συναρέσαι γὰρ τῇ Πυθίᾳ φασίν.

Ἀριστοδήμῳ δὲ αὐτῷ πρότερον τὴν τελευτὴν συμβῆναι λέγουσιν ἐν Δελφοῖσ πρὶν ἢ Δωριέασ κατελθεῖν ἐσ Πελοπόννησον. οἱ μὲν δὴ ἀποσεμνύνοντεσ τὰ ἐσ αὐτὸν τοξευθῆναι λέγουσιν Ἀριστόδημον ὑπὸ Ἀπόλλωνοσ, ὅτι οὐκ ἀφίκοιτο ἐπὶ τὸ μαντεῖον, παρὰ δὲ Ἡρακλέουσ ἐντυχόντοσ οἱ πρότερον πύθοιτο ὡσ ἐσ Πελοπόννησον Δωριεῦσι γενήσεται ἥδε ἡ κάθοδοσ· ὁ δὲ ἀληθέστεροσ ἔχει λόγοσ Πυλάδου τοὺσ παῖδασ καὶ Ἠλέκτρασ, ἀνεψιοὺσ ὄντασ Τισαμενῷ τῷ Ὀρέστου, φονεῦσαι τὸν Ἀριστόδημον. ὀνόματα μὲν δὴ τοῖσ παισὶν αὐτοῦ Προκλῆσ καὶ Εὐρυσθένησ ἐτέθη, δίδυμοι δὲ ὄντεσ διάφοροι τὰ μάλιστα ἦσαν.

προεληλυθότεσ δὲ ἐπὶ μέγα ἀπεχθείασ ὅμωσ ἐν κοινῷ Θήρᾳ τῷ Αὐτεσίωνοσ, ἀδελφῷ τῆσ μητρὸσ σφῶν ὄντι Ἀργείασ, ἐπιτροπεύσαντι δὲ καὶ αὐτῶν, συνήραντο ἐσ ἀποικίαν. τὴν δὲ ἀποικίαν ὁ Θήρασ ἔστελλεν ἐσ τὴν νῆσον τὴν τότε ὀνομαζομένην Καλλίστην, τοὺσ ἀπογόνουσ οἱ τοῦ Μεμβλιάρου παραχωρήσεσθαι τῆσ βασιλείασ ἐλπίζων ἑκόντασ, ὅπερ οὖν καὶ ἐποίησαν λαβόντεσ λογισμὸν ὅτι Θήρᾳ μὲν ἐσ αὐτὸν ἀνῄει Κάδμον τὸ γένοσ, οἱ δὲ ἦσαν ἀπόγονοι Μεμβλιάρου·

Μεμβλίαρον δὲ ἄνδρα ὄντα τοῦ δήμου Κάδμοσ ἐν τῇ νήσῳ κατέλιπεν ἡγεμόνα εἶναι τῶν ἐποίκων.

καὶ Θήρασ μὲν τῇ τε νήσῳ μετέβαλεν ἀφ’ ἑαυτοῦ τὸ ὄνομα καί οἱ καὶ νῦν ἔτι οἱ Θηραῖοι κατὰ ἔτοσ ἐναγίζουσιν ὡσ οἰκιστῇ· Προκλεῖ δὲ καὶ Εὐρυσθένει μέχρι μὲν τῆσ προθυμίασ τῆσ ἐσ τὸν Θήραν ἐσ τὸ αὐτὸ συνῆλθον αἱ γνῶμαι, τὰ δὲ λοιπὰ διειστήκει σφίσιν ἐπὶ παντὶ τὰ βουλεύματα. οὐ μὴν οὐδὲ ὁμονοησάντων τοὺσ ἀπογόνουσ αὐτῶν ἐσ κοινὸν κατάλογον ὑπάξειν <ἂν> ἔμελλον·

οὐ γάρ τι τὰ πάντα ἐσ τὸ αὐτὸ συνεληλύθασιν ἡλικίασ, ὡσ ἀνεψιόν τε ἀνεψιῷ καὶ ἀνεψιῶν παῖδασ, ὡσαύτωσ δὲ καὶ τοὺσ κατωτέρω κατὰ ἀριθμὸν τυχεῖν ἀλλήλοισ γεγονότασ τὸν ἴσον. ἑκατέραν οὖν τὴν οἰκίαν ἐπέξειμι αὐτῶν ἰδίωσ καὶ οὐκ ἀμφοτέρασ ἅμα ἐσ τὸ αὐτὸ ἀναμίξασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 1

(파우사니아스, Description of Greece, Λακωνικά, chapter 1)

상위

목록

SEARCH

MENU NAVIGATION