헬라어 문장 검색 - Λυξιαν́Σατυρνά9́

(루키아노스, Saturnalia, letter 3)

Κρόνοσ τοῖσ πλουσίοισ χαίρειν. οἱ πένητεσ ἔναγχοσ ἐπεστάλκασί μοι αἰτιώμενοι ὑμᾶσ μὴ μεταδιδόναι σφίσιν ὧν ἔχετε, καὶ τὸ μὲν ὅλον ἠξίουν με κοινὰ πᾶσι ποιεῖν τἀγαθὰ καὶ τὸ μέροσ ἕκαστον αὐτῶν ἔχειν· δίκαιον γὰρ εἶναι ἰσοτιμίαν καθεστηκέναι καὶ μὴ τῷ μὲν πλέον, τῷ δὲ μηδ̓ ὅλωσ μετεῖναι τῶν ἡδέων. ἐγὼ δὲ περὶ μὲν τούτων ἔφην ἄμεινον σκέψασθαι τὸν Δία, περὶ δὲ τῶν παρόντων καὶ ὧν ἀδικεῖσθαι ᾤοντο κατὰ τὴν ἑορτὴν ἑώρων ἐπ̓ ἐμὲ καθήκουσαν τὴν κρίσιν, καὶ ὑπεσχόμην γράψειν πρὸσ ὑμᾶσ. ἔστι δὲ ἅπερ ἀξιοῦσι ταῦτα μέτρια, ὡσ ἐμοὶ ἔδοξε. πῶσ γάρ, φασί, ῥιγοῦντεσ τοσούτῳ κρύει καὶ λιμῷ ἐχόμενοι προσέτι ἑορτάζοιμεν ἄν; εἰ τοίνυν ἐθέλοιμι κἀκείνουσ μετέχειν τῆσ ἑορτῆσ, ἐκέλευόν με ἀναγκάσαι ὑμᾶσ ἐσθήτων τε ὧν ἔχετε μεταδοῦναι αὐτοῖσ, εἴ τινεσ περιτταὶ καὶ παχύτεραι ἢ καθ̓ ὑμᾶσ, καὶ τοῦ χρυσίου ὀλίγον ἐπιστάξαι αὐτοῖσ· εἰ γὰρ ταῦτα, φασί, ποιήσετε, μηδὲ ἀμφισβητεῖν ὑμῖν ἔτι τῶν ἀγαθῶν ἐπὶ τοῦ Διόσ, εἰ δὲ μή, ἀπειλοῦσι προσκαλέσασθαι ἐπὶ τὸν ἀναδασμόν, ἐπειδὰν τὸ πρῶτον δίκασ ὁ Ζεὺσ προθῇ. ταῦτά ἐστιν οὐ πάνυ χαλεπὰ ὑμῖν ἀπὸ τοσούτων ἃ καλῶσ ποιοῦντεσ ἔχετε. νὴ Δία καὶ τῶν δείπνων πέρι, ὡσ συνδειπνοῖεν ὑμῖν, καὶ τοῦτο προσθεῖναι ἠξίουν τῇ ἐπιστολῇ ὡσ νῦν γε μόνουσ ὑμᾶσ τρυφᾶν ἐπικλεισαμένουσ τὰσ θύρασ·

εἰ δέ ποτε κἀκείνων τινὰσ ἑστιᾶν διὰ μακροῦ ἐθελήσετε, πλέον τοῦ εὐφραίνοντοσ ἐνεῖναι τὸ ἀνιαρὸν τῷ δείπνῳ, καὶ τὰ πολλὰ ἐφ̓ ὕβρει αὐτῶν γίνεσθαι, οἱο͂ν ἐκεῖνο τὸ μὴ τοῦ αὐτοῦ οἴνου συμπίνειν, Ἡράκλεισ, ὡσ ἀνελεύθερον· καὶ καταγινώσκειν αὐτῶν ἐκείνων ἄξιον, ὅτι μὴ μεταξὺ ἀναστάντεσ οἴχονται ὅλον ὑμῖν τὸ συμπόσιον καταλιπόντεσ. ἀλλ̓ οὐδὲ ἐσ κόρον ὅμωσ φασὶ πίνειν· τοὺ γὰρ οἰνοχόουσ ὑμῶν ὥσπερ τοὺσ Ὀδυσσέωσ ἑταίρουσ κηρῷ βεβύσθαι τὰ ὦτα. τὰ μὲν γὰρ ἄλλα οὕτωσ αἰσχρά ἐστιν, ὥστε ὀκνῶ λέγειν, ἃ περὶ τῆσ νομῆσ τῶν κρεῶν αἰτιῶνται καὶ τῶν διακόνων, ὑμῖν μὲν παρεστώτων, ἔστ̓ ἂν ὑπερεμφορηθῆτε, ἐκείνουσ δὲ παραθεόντων, καὶ ἄλλα πολλὰ τοιαῦτα μικροπρεπῆ καὶ ἥκιστα ἐλευθέροισ πρέποντα. τὸ γοῦν ἥδιστον καὶ συμποτικώτερον ἡ ἰσοτιμία ἐστί, καὶ ὁ ἰσοδαίτησ τούτου ἕνεκα ἡγεῖται ὑμῖν τῶν συμποσίων, ὡσ τὸ ἴσον ἅπαντεσ ἔχοιεν. ὁρᾶτε οὖν ὅπωσ μηκέτι ὑμᾶσ αἰτιάσωνται, ἀλλὰ τιμήσωσι καὶ φιλήσωσι τῶν ὀλίγων τούτων μεταλαμβάνοντεσ, ὧν ὑμῖν μὲν ἡ δαπάνη ἀνεπαίσθητοσ, ἐκείνοισ δὲ ἐν καιρῷ τῆσ χρείασ ἡ δόσισ ἀείμνηστοσ.

ἄλλωσ τε οὐδ̓ ἂν οἰκεῖν δύναισθε τὰσ πόλεισ μὴ οὐχὶ καὶ πενήτων συμπολιτευομένων, καὶ μυρία πρὸσ τὴν εὐδαιμονίαν ὑμῖν συντελούντων, οὐδ̓ ἂν ἔχοιτε τοὺσ θαυμάζοντασ ὑμῶν τὸν πλοῦτον, ἢν μόνοι καὶ ἰδίᾳ καὶ ὑπὸ σκότῳ πλουτῆτε. ἰδέτωσαν οὖν πολλοὶ καὶ θαυμασάτωσαν ὑμῶν τὸν ἄργυρον καὶ τὰσ τραπέζασ καὶ προπινόντων φιλοτησίασ, μεταξὺ πίνοντεσ περισκοπείτωσαν τὸ ἔκπωμα καὶ τὸ βάροσ ἴστωσαν αὐτοὶ διαβαστάσαντεσ καὶ τῆσ ἱστορίασ τὸ ἀκριβὲσ καὶ τὸν χρυσὸν ὅσοσ, ὃσ ἐπανθεῖ τῇ τέχνῃ. πρὸσ γὰρ τῷ χρηστοὺσ καὶ φιλανθρώπουσ ἀκούειν καὶ τοῦ φθονεῖσθαι ὑπ̓ αὐτῶν ἔξω γενήσεσθε. τίσ γὰρ ἄν φθονήσειε τῷ κοινωνοῦντι καὶ διδόντι τῶν μετρίων; τίσ δ̓ οὐκ ἄν εὔξαιτο εἰσ τὸ μήκιστον διαβιῶναι αὐτὸν ἀπολαύοντα τῶν ἀγαθῶν; ὡσ δὲ νῶν ἔχετε, ἀμάρτυροσ μὲν ἡ εὐδαιμονία, ἐπίφθονοσ δὲ ὁ πλοῦτοσ, ἀηδὴσ δὲ ὁ βίοσ. 0ὐδὲ γὰρ οὐδὲ ὁμοίωσ ἡδὺ, οἶμαι, μόνον ἐμπίπλασθαι, ὥσπερ τοὺσ λέοντάσ φασι καὶ τοὺσ μονιοὺσ τῶν λύκων, καὶ συνόντασ δεξιοῖσ ἀνδράσι καὶ πάντα χαρίζεσθαι πειρωμενοισ, οἳ πρῶτα μὲν οὐ κωφὸν καὶ ἄφωνον ἐάσουσι τὸ συμπόσιον εἶναι, ἀλλ̓ ἐν μύθοισ συμποτικοῖσ καὶ σκώμμασιν ἀνεπαχθέσι καὶ φιλοφροσύναισ ποικίλαισ συνέσονται, οἱαῖ ἥδισται διατριβαί, φίλαι μὲν Διονύσῳ καὶ Ἀφροδίτῃ, φίλαι δὲ Χάρισιν, ἔπειτα δὲ πρὸσ ἅπαντασ ἐσ τὴν ὑστεραίαν διηγούμενοι ὑμῶν τὴν δεξιότητα φιλεῖσθαι παρασκευάσουσι.

ταῦτα πολλοῦ πρίασθαι καλῶσ εἶχεν. ἐπεὶ ἐρήσομαι ὑμᾶσ, εἰ μύοντεσ οἱ πένητεσ βαδίζοιεν ‐ ὑποθώμεθα γὰρ οὕτωσ ‐ οὐκ ἂν ὑμᾶσ ἠνίασεν οὐκ ἔχοντασ οἷσ ἐπιδείξαισθε τὰσ ἁλουργεῖσ ἐσθῆτασ καὶ τῶν ἀκολουθούντων τὸ πλῆθοσ ἢ τῶν δακτυλίωι τὸ μέγεθοσ;

ἐῶ λέγειν ὡσ καὶ ἐπιβουλὰσ καὶ μίση παρὰ τῶν πενήτων ἀναγκαῖον ἐγγίνεσθαι πρὸσ ὑμᾶσ, ἢν μόνοι τρυφᾶν ἐθέλητε· ἃ μὲν γὰρ εὔξασθαι καθ̓ ὑμῶν ἀπειλοῦσιν, ἀποτρόπαια, μηδὲ γένοιτο εἰσ ἀνάγκην αὐτοὺσ καταστῆναι τῆσ εὐχῆσ· ἐπεὶ οὔτε ἀλλάντων γεύσεσθε οὔτε πλακοῦντοσ ἢ εἴ τι λείψανον τῆσ κυνόσ, ἡ φακῆ δὲ ὑμῖν σαπέρδην ἐντετηκότα ἕξει, ὗσ δὲ καὶ ἔλαφοσ ὀπτώμενοι μεταξὺ δρασμὸν βουλεύσουσιν ἐκ τοῦ ὀπτανείου ἐσ τὸ ὄροσ, καὶ ὄρνισ ψύττα κατατείνασαι ἄπτεροι καὶ αὗται παῤ αὐτοὺσ τοὺσ πένητασ ἐκπετήσονται· τὸ δὲ μέγιστον, οἱ ὡραιότατοι τῶν οἰνοχόων φαλακροὶ ἐν ἀκαρεῖ τοῦ χρόνου ὑμῖν γενήσονται, ἐπὶ κατεαγότι καὶ ταῦτα τῷ ἀμφορεῖ. πρὸσ τάδε βουλεύεσθε ἃ καὶ τῇ ἑορτῇ πρέποντα γένοιτ̓ ἂν καὶ ὑμῖν ἀσφαλέστατα, καὶ ἐπικουφίζετε πολλὴν τὴν πενίαν αὐτοῖσ ἀπ̓ ὀλίγου τελέσματοσ φίλουσ οὐ μεμπτοὺσ ἕξοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Saturnalia, letter 3

(루키아노스, Saturnalia, letter 3)

상위

목록

SEARCH

MENU NAVIGATION