Lucian, Saturnalia, letter 2 1:

(루키아노스, Saturnalia, letter 2 1:)

Κρόνοσ ἐμοὶ τῷ τιμιωτάτῳ χαίρειν. τί ταῦτα ληρεῖσ, ὦ οὗτοσ, ἐμοὶ περὶ τῶν παρόντων ἐπιστέλλων καὶ ἀναδασμὸν τῶν ἀγαθῶν ποιεῖν κελεύων; τὸ δὲ ἑτέρου ἂν εἰή, τοῦ νῦν ἄρχοντοσ. θαυμάζω γὰρ εἰ μόνοσ τῶν ἁπάντων ἀγνώσσεισ ὡσ ἐγὼ μὲν πάλαι βασιλεὺσ ὢν πέπαυμαι, τοῖσ παισὶ διανείμασ τὴν ἀρχήν, ὁ δὲ Ζεὺσ μάλιστα τῶν τοιούτων ἐπιμελεῖται· τὰ δὲ ἡμέτερα ταῦτα μέχρι πεττῶν καὶ κρότου καὶ ᾠδῆσ καὶ μέθησ, καὶ τοῦτο οὐ πλέον ἡμερῶν ἑπτά. ὥστε περὶ τῶν μειζόνων ἃ φήσ, ἀφελεῖν τὸ ἄνισον καὶ ἐκ τῆσ ὁμοίασ ἢ πένεσθαι ἢ πλουτεῖν ἅπαντασ, ὁ Ζεὺσ ἂν χρηματίσειεν ὑμῖν. εἰ δέ τι τῶν ἐκ τῆσ ἑορτῆσ ἀδικοῖτό τισ ἢ πλεονεκτοῖτο, ἐμὸν ἂν εἰή δικάζειν· καὶ ἐπιστέλλω δὲ τοῖσ πλουσίοισ περὶ τῶν δείπνων καὶ τοῦ χοίνικοσ τοῦ χρυσίου καὶ τῶν ἐσθήτων, ὡσ καὶ ὑμῖν πέμποιεν ἐσ τὴν ἑορτήν· δίκαια γάρ ταῦτα καὶ ἄξια αὐτοὺσ ποιεῖν, ὡσ φατέ, εἰ μή τι εὔλογον ἐκεῖνοι πρὸσ ταῦτα λέγειν ἔχωσι.

일치하는 문장이 없습니다.

SEARCH

MENU NAVIGATION