헬라어 문장 검색 - Λυξιαν́Διαλογι

(루키아노스, Dialogi deorum, Ἀπόλλων, Ἑρμῆσ.)

Ἔχεισ μοι εἰπεῖν, ὦ Ἑρμῆ, πότεροσ ὁ Κάστωρ ἐστὶ τούτων ἢ πότεροσ ὁ Πολυδεύκησ; ἐγὼ γὰρ οὐκ ἂν διακρίναιμι αὐτούσ. Ὁ μὲν χθὲσ ἡμῖν ξυγγενόμενοσ ἐκεῖνοσ Κάστωρ ἦν, οὗτοσ δὲ Πολυδεύκησ. Πῶσ διαγινώσκεισ;

ὅμοιοι γάρ. Ὅτι οὗτοσ μέν, ὦ Ἄπολλον, ἔχει ἐπὶ τοῦ προσώπου τὰ ἴχνη τῶν τραυμάτων ἃ ἔλαβε παρὰ τῶν ἀνταγωνιστῶν πυκτεύων, καὶ μάλιστα ὁπόσα ὑπὸ τοῦ Βέβρυκοσ Ἀμύκου ἐτρώθη τῷ Ιἄσονι συμπλέων, ἅτεροσ δὲ οὐδὲν τοιοῦτον ἐμφαίνει, ἀλλὰ καθαρόσ ἐστι καὶ ἀπαθὴσ τὸ πρόσωπον. ὥστε πολλάκισ ἐγὼ τὸν μὲν προσεῖπον Κάστορα Πολυδεύκην ὄντα, τὸν δὲ τῷ τοῦ Πολυδεύκουσ ὀνόματι.

εἰπέ μοι καὶ τόδε, τί δήποτε οὐκ ἄμφω ξύνεισιν ἡμῖν, ἀλλ̓ ἐξ ἡμισείασ ἄρτι μὲν νεκρόσ, ἄρτι δὲ θεόσ ἐστιν ἅτεροσ αὐτῶν;

Ὑπὸ φιλαδελφίασ τοῦτο ποιοῦσιν·

ἐπεὶ γὰρ ἔδει ἕνα μὲν τεθνάναι τῶν Λήδασ υἱέων, ἕνα δὲ ἀθάνατον εἶναι, ἐνείμαντο οὕτωσ αὐτοὶ τὴν ἀθανασίαν. Οὐ ξυνετήν, ὦ Ἑρμῆ, τὴν νόμην, οἵ γε οὐδὲ ὄψονται οὕτωσ ἀλλήλουσ, ὅπερ ἐπόθουν, οἶμαι, μάλιστα· πῶσ γάρ, ὁ μὲν παρὰ θεοῖσ, ὁ δὲ παρὰ τοῖσ φθιτοῖσ ὤν; πλὴν ἀλλ̓ ὥσπερ ἐγὼ μαντεύομαι, ὁ δὲ Ἀσκληπιὸσ ἰᾶται, σὺ δὲ παλαίειν διδάσκεισ παιδοτρίβησ ἄριστοσ ὤν, ἡ δὲ Ἄρτεμισ μαιεύεται καὶ τῶν ἄλλων ἕκαστοσ ἔχει τινὰ τέχνην ἢ θεοῖσ ἢ ἀνθρώποισ χρησίμην, οὗτοι δὲ τί ποιήσουσιν ἡμῖν; ἢ ἀργοὶ εὐωχήσονται τηλικοῦτοι ὄντεσ;

Οὐδαμῶσ, ἀλλὰ προστέτακται αὐτοῖν ὑπηρετεῖν τῷ Ποσειδῶνι καὶ καθιππεύειν δεῖ τὸ πέλαγοσ καὶ ἐάν που ναύτασ χειμαζομένουσ ἴδωσιν, ἐπικαθίσαντασ ἐπὶ τὸ πλοῖον σώζειν τοὺσ ἐμπλέοντασ. Ἀγαθήν, ὦ Ἑρμῆ, καὶ σωτήριον λέγεισ τὴν τέχνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi deorum, Ἀπόλλων, Ἑρμῆσ.

(루키아노스, Dialogi deorum, Ἀπόλλων, Ἑρμῆσ.)

상위

목록

SEARCH

MENU NAVIGATION