헬라어 문장 검색 - Λυξιαν́Διαλογι

(루키아노스, Dialogi deorum, Ποσείδων, Ἑρμῆσ.)

Ἔστιν, ὦ Ἑρμῆ, νῦν ἐντυχεῖν τῷ Διί; Οὐδαμῶσ, ὦ Πόσειδον. Ὅμωσ προσάγγειλον αὐτῷ. Μὴ ἐνόχλει, φημί· ἄκαιρον γάρ ἐστιν, ὥστε οὐκ ἂν ἴδοισ αὐτὸν ἐν τῷ παρόντι Μῶν τῇ Ἥρᾳ σύνεστιν; Οὔκ, ἀλλ̓ ἑτεροῖόν τί ἐστι. Συνίημι· ὁ Γανυμήδησ ἔνδον. Οὐδὲ τοῦτο· ἀλλὰ μαλακῶσ ἔχει αὐτόσ. Πόθεν, ὦ Ἑρμῆ; δεινὸν γὰρ τοῦτο φήσ. Αἰσχύνομαι εἰπεῖν, τοιοῦτόν ἐστιν. Ἀλλὰ οὐ χρὴ πρὸσ ἐμὲ θεῖόν γε ὄντα. Τέτοκεν ἀρτίωσ, ὦ Πόσειδον. Ἄπαγε, τέτοκεν ἐκεῖνοσ;

ἐκ τίνοσ; οὐκοῦν ἐλελήθει ἡμᾶσ ἀνδρόγυνοσ ὤν; ἀλλὰ οὐδὲ ἐπεσήμανεν ἡ γαστὴρ αὐτῷ ὄγκον τινά. Εὖ λέγεισ· οὐ γὰρ ἐκείνη εἶχε τὸ ἔμβρυον. Οἶδα· ἐκ τῆσ κεφαλῆσ ἔτεκεν αὖθισ ὥσπερ τὴν Ἀθηνᾶν· τοκάδα γὰρ τὴν κεφαλὴν ἔχει. Οὔκ, ἀλλὰ ἐν τῷ μηρῷ ἐκύει τὸ ἐκ τῆσ Σεμέλησ βρέφοσ. Εὖ γε ὁ γενναῖοσ, ὡσ ὅλοσ ἡμῖν κυοφορεῖ καὶ πανταχόθι τοῦ σώματοσ. ἀλλὰ τίσ ἡ Σεμέλη ἐστί; Θηβαία, τῶν Κάδμου θυγατέρων μία.

ταύτῃ συνελθὼν ἐγκύμονα ἐποίησεν. Εἶτα ἔτεκεν, ὦ Ἑρμῆ, ἀντ̓ ἐκείνησ; Καὶ μάλα, εἰ καὶ παράδοξον εἶναί σοι δοκεῖ· τὴν μὲν γὰρ Σεμέλην ὑπελθοῦσα ἡ Ἥρα ‐ οἶσθα ὡσ ζηλότυπόσ ἐστι ‐ πείθει αἰτῆσαι παρὰ τοῦ Διὸσ μετὰ βροντῶν καὶ ἀστραπῶν ἥκειν παῤ αὐτήν· ὡσ δὲ ἐπείσθη καὶ ἧκεν ἔχων καὶ τὸν κεραυνόν, ἀνεφλέγη ὁ ὄροφοσ, καὶ ἡ Σεμέλη μὲν διαφθείρεται ὑπὸ τοῦ πυρόσ, ἐμὲ δὲ κελεύει ἀνατεμόντα τὴν γαστέρα τῆσ γυναικὸσ ἀνακομίσαι ἀτελὲσ ἔτι αὐτῷ τὸ ἔμβρυον ἑπτάμηνον· καὶ ἐπειδὴ ἐποίησα, διελὼν τὸν ἑαυτοῦ μηρὸν ἐντίθησιν, ὡσ ἀποτελεσθείη ἐνταῦθα, καὶ νῦν τρίτῳ ἤδη μηνὶ ἐξέτεκεν αὐτὸ καὶ μαλακῶσ ἀπὸ τῶν ὠδίνων ἔχει. Νῦν οὖν ποῦ τὸ βρέφοσ ἐστίν; Ἐσ τὴν Νῦσαν ἀποκομίσασ ἔδωκα ταῖσ Νυμφαισ ἀνατρέφειν Διόνυσον ἐπονομασθέντα. Οὐκοῦν ἀμφότερα τοῦ Διονύσου τούτου καὶ μήτηρ καὶ πατὴρ ὁ ἀδελφόσ ἐστιν;

Εοἴκεν. ἄπειμι δ̓ οὖν ὕδωρ αὐτῷ πρὸσ τὸ τραῦμα οἴσων καὶ τὰ ἄλλα ποιήσων ἃ νομίζεται ὥσπερ λεχοῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi deorum, Ποσείδων, Ἑρμῆσ.

(루키아노스, Dialogi deorum, Ποσείδων, Ἑρμῆσ.)

상위

목록

SEARCH

MENU NAVIGATION