헬라어 문장 검색 - Λυξιαν́Διαλογι

(루키아노스, Dialogi deorum, Ζευσ, Ἀσκληπιόσ, ἩρακλῆσΣ.)

Παύσασθε, ὦ Ἀσκληπιὲ καὶ Ἡράκλεισ, ἐρίζοντεσ πρὸσ ἀλλήλουσ ὥσπερ ἄνθρωποι· ἀπρεπῆ γὰρ ταῦτα καὶ ἀλλότρια τοῦ συμποσίου τῶν θεῶν. Ἀλλὰ ἐθέλεισ, ὦ Ζεῦ, τουτονὶ τὸν φαρμακέα προκατακλίνεσθαί μου; Νὴ Δία· καὶ ἀμείνων γάρ εἰμι. Κατὰ τί, ὦ ἐμβρόντητε; ἢ διότι σε ὁ Ζεὺσ ἐκεραύνωσεν ἃ μὴ θέμισ ποιοῦντα, νῦν δὲ κατ̓ ἔλεον αὖθισ ἀθανασίασ μετείληφασ; Ἐπιλέλησαι γὰρ καὶ σύ, ὦ Ἡράκλεισ, ἐν τῇ Οἴτῃ καταφλεγείσ, ὅτι μοι ὀνειδίζεισ τὸ πῦρ;

Οὔκουν ἴσα καὶ ὅμοια βεβίωται ἡμῖν, ὃσ Διὸσ μὲν υἱόσ εἰμι, τοσαῦτα δὲ πεπόνηκα ἐκκαθαίρων τὸν βίον, θηρία καταγωνιζόμενοσ καὶ ἀνθρώπουσ ὑβριστὰσ τιμωρούμενοσ· σὺ δὲ ῥιζοτόμοσ εἶ καὶ ἀγύρτησ, νοσοῦσι μὲν ἴσωσ ἀνθρώποισ χρήσιμοσ ἐπιθήσειν τῶν φαρμάκων, ἀνδρῶδεσ δὲ οὐδὲν ἐπιδεδειγμενοσ. Εὖ λέγεισ, ὅτι σου τὰ ἐγκαύματα ἰασάμην, ὅτε πρῴην ἀνῆλθεσ ἡμίφλεκτοσ ὑπ̓ ἀμφοῖν διεφθαρμένοσ τὸ σῶμα, καὶ τοῦ χιτῶνοσ καὶ μετὰ τοῦτο τοῦ πυρόσ·

ἐγὼ δὲ εἰ καὶ μηδὲν ἄλλο, οὔτε ἐδούλευσα ὥσπερ σὺ οὔτε ἔξαινον ἔρια ἐν Λυδίᾳ πορφυρίδα ἐνδεδυκὼσ καὶ παιόμενοσ ὑπὸ τῆσ Ὀμφάλησ χρυσῷ σανδάλῳ, ἀλλὰ οὐδὲ μελαγχολήσασ ἀπέκτεινα τὰ τέκνα καὶ τὴν γυναῖκα.

Εἰ μὴ παύσῃ λοιδορούμενόσ μοι, αὐτίκα μάλα εἴσῃ ὡσ οὐ πολύ σε ὀνήσει ἡ ἀθανασία, ἐπεὶ ἀράμενόσ σε ῥίψω ἐπὶ κεφαλὴν ἐκ τοῦ οὐρανοῦ, ὥστε μηδὲ τὸν Παιῶνα ἰάσασθαί σε τὸ κρανίον συντριβέντα. Παύσασθε, φημί, καὶ μὴ ἐπιταράττετε ἡμῖν τὴν ξυνουσίαν, ἢ ἀμφοτέρουσ ἀποπέμψομαι ὑμᾶσ τοῦ ξυμποσίου.

καίτοι εὔγνωμον, ὦ Ἡράκλεισ, προκατακλίνεσθαί σου τὸν Ἀσκληπιὸν ἅτε καὶ πρότερον ἀποθανόντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Lucian, Dialogi deorum, Ζευσ, Ἀσκληπιόσ, ἩρακλῆσΣ.

(루키아노스, Dialogi deorum, Ζευσ, Ἀσκληπιόσ, ἩρακλῆσΣ.)

상위

목록

SEARCH

MENU NAVIGATION