헬라어 문장 검색 - Λυξιαν́Διαλογι

(루키아노스, Dialogi deorum, Ἥρα, Ζευσ.)

Τὸν Ἰξίονα τοῦτον, ὦ Ζεῦ, ποῖόν τινα τὸν τρόπον ἡγῇ; Ἄνθρωπον εἶναι χρηστόν, ὦ Ἥρα, καὶ συμποτικόν· οὐ γὰρ ἂν συνῆν ἡμῖν ἀνάξιοσ τοῦ συμποσίου ὤν. Ἀλλὰ ἀνάξιόσ ἐστιν, ὑβριστήσ γε ὤν· ὥστε μηκέτι συνέστω. Τί δαὶ ὕβρισε; χρὴ γάρ, οἶμαι, κἀμὲ εἰδέναι. Τί δ̓ ἄλλο;

‐ καίτοι αἰσχύνομαι εἰπεῖν αὐτό· τοιοῦτόν ἐστιν ὃ ἐτόλμησε. Καὶ μὴν διὰ τοῦτο καὶ μᾶλλον εἴποισ ἄν, ὅσῳ καὶ αἰσχροῖσ ἐπεχείρησε. μῶν οὖν ἐπείρα τινά; συνίημι γὰρ ὁποῖόν τι τὸ αἰσχρόν, ὅπερ ἂν σὺ ὀκνήσειασ εἰπεῖν. Αὐτὴν ἐμέ, οὐκ ἄλλην τινά, ὦ Ζεῦ, πολὺν ἤδη χρόνον.

καὶ τὸ μὲν πρῶτον ἠγνόουν τὸ πρᾶγμα, διότι ἀτενὲσ ἀφεώρα ἐσ ἐμέ· ὁ δὲ καὶ ἔστενε καὶ ὑπεδάκρυε, καὶ εἴ ποτε πιοῦσα παραδοίην τῷ Γανυμήδει τὸ ἔκπωμα, ὁ δὲ ᾔτει ἐν αὐτῷ ἐκείνῳ πιεῖν καὶ λαβὼν ἐφίλει μεταξὺ καὶ πρὸσ τοὺσ ὀφθαλμοὺσ προσῆγε καὶ αὖθισ ἀφεώρα ἐσ ἐμέ· ταῦτα δὲ ἤδη συνίειν ἐρωτικὰ ὄντα. καὶ ἐπὶ πολὺ μὲν ᾐδούμην λέγειν πρὸσ σὲ καὶ ᾤμην παύσεσθαι τῆσ μανίασ τὸν ἄνθρωπον· ἐπεὶ δὲ καὶ λόγουσ ἐτόλμησέ μοι προσενεγκεῖν, ἐγὼ μὲν ἀφεῖσα αὐτὸν ἔτι δακρύοντα καὶ προκυλινδούμενον, ἐπιφραξαμένη τὰ ὦτα, ὡσ μηδὲ ἀκούσαιμι αὐτοῦ ὑβριστικὰ ἱκετεύοντοσ, ἀπῆλθον σοὶ φράσουσα· σὺ δὲ αὐτὸσ ὁρ́α, ὅπωσ μέτει τὸν ἄνδρα. Εὖ γε ὁ κατάρατοσ ἐπ̓ ἐμὲ αὐτὸν καὶ μέχρι τῶν Ἥρασ γάμων;

τοσοῦτον ἐμεθύσθη τοῦ νέκταροσ; ἀλλ̓ ἡμεῖσ τούτων αἴτιοι καὶ πέρα τοῦ μετρίου φιλάνθρωποι, οἵ γε καὶ συμπότασ αὐτοὺσ ἐποιησάμεθα.

συγγνωστοὶ οὖν, εἰ πιόντεσ ὅμοια ἡμῖν καὶ ἰδόντεσ οὐράνια κάλλη καὶ οἱᾶ οὔ ποτε εἶδον ἐπὶ γῆσ, ἐπεθύμησαν ἀπολαῦσαι αὐτῶν ἔρωτι ἁλόντεσ· ὁ δ̓ ἔρωσ βίαιόν τί ἐστι καὶ οὐκ ἀνθρώπων μόνον ἄρχει, ἀλλὰ καὶ ἡμῶν αὐτῶν ἐνίοτε. Σοῦ μὲν καὶ πάνυ οὗτόσ γε δεσπότησ ἐστὶ καὶ ἄγει σε καὶ φέρει τῆσ ῥινόσ, φασίν, ἕλκων, καὶ σὺ ἕπῃ αὐτῷ ἔνθα ἂν ἡγῆταί σοι, καὶ ἀλλάττῃ ῥᾳδίωσ ἐσ ὅ τι ἂν κελεύσῃ, καὶ ὅλωσ κτῆμα καὶ παιδιὰ τοῦ ἔρωτοσ σύ γε· καὶ νῦν τῷ Ἰξίονι οἶδα καθότι συγγνώμην ἀπονέμεισ ἅτε καὶ αὐτὸσ μοιχεύσασ ποτὲ αὐτοῦ τὴν γυναῖκα, ἥ σοι τὸν Πειρίθουν ἔτεκεν. Ἔτι γὰρ σὺ μέμνησαι ἐκείνων, εἴ τι ἐγὼ ἔπαιξα ἐσ γῆν κατελθών;

ἀτὰρ οἶσθα ὅ μοι δοκεῖ περὶ τοῦ Ἰξίονοσ; κολάζειν μὲν μηδαμῶσ αὐτὸν μηδὲ ἀπωθεῖν τοῦ συμποσίου· σκαιὸν γάρ· ἐπεὶ δὲ ἐρᾷ καὶ ὡσ φὴσ δακρύει καὶ ἀφόρητα πάσχει ‐ Τί, ὦ Ζεῦ; δέδια γᾴρ, μή τι ὑβριστικὸν καὶ σὺ εἴπῃσ. Οὐδαμῶσ· ἀλλ̓ εἴδωλον ἐκ νεφέλησ πλασάμενοι αὐτῇ σοι ὅμοιον, ἐπειδὰν λυθῇ τὸ συμπόσιον κἀκεῖνοσ ἀγρυπνῇ, ὡσ τὸ εἰκόσ, ὑπὸ τοῦ ἔρωτοσ, παρακατακλίνωμεν αὐτῷ φέροντεσ· οὕτω γὰρ ἂν παύσαιτο ἀνιώμενοσ οἰηθεὶσ τετυχηκέναι τῆσ ἐπιθυμίασ.

Ἄπαγε, μὴ ὡρ́ασιν ἵκοιτο τῶν ὑπὲρ αὐτον ἐπιθυμῶν. Ὅμωσ ὑπόμεινον, ὦ Ἥρα. ἢ τί γὰρ ἂν καὶ πάθοισ δεινὸν ἀπὸ τοῦ πλάσματοσ, εἰ νεφέλῃ ὁ Ἰξίων συνέσται; Ἀλλὰ ἡ νεφέλη ἐγὼ εἶναι δόξω, καὶ τὸ αἰσχρὸν ἐπ̓ ἐμὲ ποιήσει διὰ τὴν ὁμοιότητα.

Οὐδὲν τοῦτο φήσ· οὔτε γὰρ ἡ νεφέλη ποτὲ Ἥρα γένοιτ̓ ἂν οὔτε σὺ νεφέλη· ὁ δ̓ Ἰξίων μόνον ἐξαπατηθήσεται. Ἀλλὰ οἱ πάντεσ ἄνθρωποι ἀπειρόκαλοί εἰσιν· αὐχήσει κατελθὼν ἴσωσ καὶ διηγήσεται ἅπασι λέγων συγγεγενῆσθαι τῇ Ἥρᾳ καὶ σύλλεκτροσ εἶναι τῷ Διί, καί που τάχ̓ ἂν ἐρᾶν με φήσειεν αὐτοῦ, οἱ δὲ πιστεύσουσιν οὐκ εἰδότεσ ὡσ νεφέλῃ συνῆν. Οὐκοῦν, ἤν τι τοιοῦτον εἴπῃ, ἐσ τὸν ᾅδην ἐμπεσὼν τροχῷ ἄθλιοσ προσδεθεὶσ συμπεριενεχθήσεται μετ̓ αὐτοῦ ἀεὶ καὶ πόνον ἄπαυστον ἕξει δίκην διδοὺσ οὐ τοῦ ἔρωτοσ ‐ οὐ γὰρ δὴ δεινὸν τοῦτό γε ‐ ἀλλὰ τῆσ μεγαλαυχίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Lucian, Dialogi deorum, Ἥρα, Ζευσ.

(루키아노스, Dialogi deorum, Ἥρα, Ζευσ.)

상위

목록

SEARCH

MENU NAVIGATION