Lucian, Dialogi deorum, Ζευς, Ἑρμῆς.?

Τὴν τοῦ Ἰνάχου παῖδα τὴν καλὴν οἶσθα. ὦ Ερμῆ· Ναί: τὴν Ιὢ λέγεις. Οὐκέτι παῖς ἐκείνη ἐστίν, ἀλλὰ δάμαλις. Τεράστιον τοῦτο: τῷ τρόπῳ δ᾿ ἐνηλλάγη· Ζηλοτυπήσασα ἡ Ἥρα μετέβαλεν αὐτήν. ἀλλα καὶ καινὸν ἄλλο τι δεινὸν ἐπιμεμηχάνηται τῇ κακοδαίμονι: βουκόλον τινὰ πολυόμματον Ἄργον τοὔνομα ἐπέστησεν, ὃς νέμει τὴν δάμαλιν ἀΰπνος ὤν. Τί οὖν ἡμᾶς χρὴ ποιεῖν· Καταπτάμενος ἐς τὴν Νεμεαν - ἐκεῖ δέ που ὁ Ἄργος βουκολεῖ - ἐκεῖνον ἀπόκτεινον, τὴν δὲ Ιὢ διὰ τοῦ πελάγους ἐς τὴν Αἴγυπτον ἀγαγὼν Ἶσιν ποίησον: καὶ τὸ λοιπὸν ἔστω θεὸς τῶν ἐκεῖ καὶ τὸν Νεῖλον ἀναγέτω καὶ τοὺς ἀνέμους ἐπιπεμπέτω καὶ σωζέτω τοὺς πλέοντας.