Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 19.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 19.)

Ὅστισ δὲ μέλλει ἐκ τρωμάτων ἐν κεφαλῇ ἀποθνήσκειν, καὶ μὴ δυνατὸν αὐτὸν ὑγιᾶ γενέσθαι, μηδὲ σωθῆναι, ἐκ τῶνδε τῶν σημείων χρὴ τὴν διάγνωσιν ποιέεσθαι τοῦ μέλλοντοσ ἀποθνήσκειν, καὶ προλέγειν τὸ μέλλον ἔσεσθαι. Πάσχει γὰρ τάδε‧ ὁκόταν τισ ὀστέον κατεηγὸσ, ἢ ἐῤῬωγὸσ, ἢ πεφλασμένον, ἢ ὅτῳ γοῦν τρόπῳ κατεηγὸσ μὴ ἐννοήσασ ἁμάρτῃ, καὶ μήτε ξύσῃ, μήτε πρίσῃ, δεόμενον, μεθῇ δὲ ὡσ ὑγιέοσ ὄντοσ τοῦ ὀστέου, πρὸ τῶν τεσσαρεσκαίδεκα ἡμερέων πυρετὸσ ἐπιλήψεται ὡσ ἐπὶ πουλὺ ἐν χειμῶνι‧ ἐν δὲ τῷ θέρει μετὰ τὰσ ἑπτὰ ἡμέρασ ὁ πυρετὸσ ἐπιλαμβάνει. Καὶ ἐπειδὰν τοῦτο γένηται, τὸ ἕλκοσ ἄχροον γίνεται‧ καὶ ἐξ αὐτοῦ ἰχὼρ Ῥέει σμικρόσ‧ καὶ τὸ φλεγμαῖνον ἐκτέθνηκεν ἐξ αὐτοῦ‧ καὶ γλισχρῶδεσ γίνεται, καὶ φαίνεται ὥσπερ τάριχοσ, χροιὴν πυῤῬὸν, ὑποπέλιον‧ καὶ τὸ ὀστέον σφακελίζειν τηνικαῦτα ἄρχεται, καὶ γίνεται περκνὸν, λευκὸν ὂν, τελευταῖον δὲ ἔπωχρον γενόμενον ἢ ἔκλευκον. Ὅταν δ’ ἤδη ὑπόπυον ᾖ, ἐπὶ τῇ γλώσσῃ φλυκταῖναι γίνονται, καὶ παραφρονέων τελευτᾷ. Καὶ σπασμὸσ ἐπιλαμβάνει τοὺσ πλείστουσ τὰ ἐπὶ θάτερα τοῦ σώματοσ‧ ἢν μὲν ἐν τῷ ἐπ’ ἀριστερὰ τῆσ κεφαλῆσ ἔχῃ τὸ ἕλκοσ, τὰ ἐπὶ δεξιὰ τοῦ σώματοσ ὁ σπασμὸσ λαμβάνει‧ ἢν δ’ ἐν τῷ ἐπὶ δεξιὰ τῆσ κεφαλῆσ ἔχῃ τὸ ἕλκοσ, τὰ ἐπ’ ἀριστερὰ τοῦ σώματοσ ὁ σπασμὸσ ἐπιλαμβάνει. Εἰσὶ δ’ οἳ καὶ ἀπόπληκτοι γίνονται. Καὶ οὕτωσ ἀπόλλυνται πρὸ ἑπτὰ ἡμερέων ἐν θέρει, ἢ τεσσάρων καὶ δέκα ἐν χειμῶνι. Ὁμοίωσ δὲ τὰ σημεῖα ταῦτα σημαίνει, καὶ ἐν πρεσβυτέρῳ ἐόντι τῷ τρώματι, ἢ καὶ ἐν νεωτέρῳ. Ἀλλὰ χρὴ, εἰ ἐννοοίησ τὸν πυρετὸν ἐπιλαμβάνοντα, καὶ τῶν ἄλλων τι σημεῖον τούτῳ προσγενόμενον, μὴ διατρίβειν, ἀλλὰ πρίσαντα τὸ ὀστέον πρὸσ τὴν μήνιγγα, ἢ καταξύσαντα τῷ ξυστῆρι εὑ̓́πριστον δὲ γίνεται καὶ εὔξυστον̓, ἔπειτα τὰ λοιπὰ οὕτωσ ἰητρεύειν, ὅκωσ ἂν δοκέῃ ξυμφέρειν, πρὸσ τὸ γινόμενον ὁρῶν.

일치하는 문장이 없습니다.

SEARCH

MENU NAVIGATION