헬라어 문장 검색 - Ηιπποξ́Οευϝρεσ́12́14́0́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 14.)

Ὅταν οὖν τάμνῃσ ἕλκοσ ἐν κεφαλῇ ὀστέων εἵνεκα τῆσ σαρκὸσ ἐψιλωμένων, θέλων εἰδέναι εἴ τι ἔχει τὸ ὀστέον κακὸν ὑπὸ τοῦ βέλεοσ, ἢ καὶ οὐκ ἔχει, τάμνειν χρὴ τὸ μέγεθοσ τὴν ὠτειλὴν, ὅση ἂν δοκέῃ ἀποχρῆναι. Τάμνοντα δὲ χρὴ ἀναστεῖλαι τὴν σάρκα ἀπὸ τοῦ ὀστέου, ᾗ πρὸσ τῇ μήνιγγι καὶ πρὸσ τῷ ὀστέῳ πέφυκεν‧ ἔπειτα διαμοτῶσαι τὸ ἕλκοσ πᾶν μοτῷ, ὅστισ εὐρύτατον τὸ ἕλκοσ παρέξει ἐσ τὴν ὑστεραίην ξὺν ἐλαχίστῳ πόνῳ‧ μοτώσαντα δὲ καταπλάσματι χρῆσθαι, ὅσον ἂν χρόνον καὶ τῷ μοτῷ, μάζην ἐκ λεπτῶν ἀλφίτων ἐν ὄξει διαμάσσειν, ἢ ἕψειν καὶ γλίσχρην ποιέειν ὡσ μάλιστα. Τῇ δ’ ὑστεραίῃ ἡμέρῃ, ἐπειδὰν ἐξέλῃσ τὸν μοτὸν, κατιδὼν τὸ ὀστέον ὅ τι πέπονθεν, ἐὰν μή σοι καταφανὴσ ᾖ ἡ τρῶσισ, ὁκοίη τίσ ἐστιν ἐν τῷ ὀστέῳ, μηδὲ διαγινώσκῃσ εἴ τέ τι ἔχει τὸ ὀστέον κακὸν ἐν ἑωυτέῳ, ἢ καὶ οὐκ ἔχει, τὸ δὲ βέλοσ δοκέῃ ἀφικέσθαι ἐσ τὸ ὀστέον καὶ σίνασθαι, ἐπιξύειν χρὴ τῷ ξυστῆρι κατὰ βάθοσ καὶ κατὰ μῆκοσ τοῦ ἀνθρώπου ὡσ πέφυκε, καὶ αὖθισ ἐπικάρσιον τὸ ὀστέον, τῶν Ῥηξίων εἵνεκα τῶν ἀφανέων ἰδεῖν, καὶ τῆσ φλάσιοσ εἵνεκα τῆσ ἀφανέοσ, τῆσ οὐκ ἐσφλωμένησ ἔσω ἐκ τῆσ φύσιοσ τῆσ κεφαλῆσ τοῦ ἄλλου ὀστέου. Ἐξελέγχει γὰρ ἡ ξύσισ μάλα τὸ κακὸν, ἢν μὴ καὶ ἄλλωσ καταφανέεσ ἐώσιν αὗται αἱ πάθαι ἐοῦσαι ἐν τῷ ὀστέῳ. Καὶ ἢν ἕδρην ἴδῃσ ἐν τῷ ὀστέῳ τοῦ βέλεοσ, ἐπιξύειν χρὴ αὐτήν τε τὴν ἕδρην, καὶ τὰ περιέχοντα αὐτὴν ὀστέα, μὴ πολλάκισ τῇ ἕδρῃ προσγένηται Ῥῆξισ καὶ φλάσισ, ἢ μούνη φλάσισ, ἔπειτα λανθάνῃ οὐ καταφανέα ἐόντα. Ἐπειδὰν δὲ ξύσῃσ τὸ ὀστέον τῷ ξυστῆρι, ἢν μὲν δοκέῃ ἐσ πρίσιν ἀφίκειν ἡ τρῶσισ τοῦ ὀστέου, πρίειν χρὴ, καὶ οὐ δεῖ τὰσ τρεῖσ ἡμέρασ μὴ ὑπερβάλλειν ἀπρίωτον, ἀλλ’ ἐν ταύτῃσι πρίειν, ἄλλωσ τε καὶ τῆσ θερμῆσ ὡρ́ησ, ἢν ἐξ ἀρχῆσ λαμβάνῃσ τὸ ἰήμα. Ἢν δὲ ὑποπτεύσῃσ μὲν τὸ ὀστέον ἐῤῬωγέναι, ἢ πεφλάσθαι, ἢ ἀμφότερα ταῦτα, τεκμαιρόμενοσ, ὅτι ἰσχυρῶσ τέτρωται, ἐκ τῶν λόγων τοῦ τρωματίου, καὶ ὅτι ὑπὸ ἰσχυροτέρου τοῦ τρώσαντοσ, ἢν ἕτεροσ ὑφ’ ἑτέρου τρωθῇ, καὶ τὸ βέλοσ ὅτῳ ἐτρώθη, ὅτι τῶν κακούργων βελέων ἦν, ἔπειτα τὸν ἄνθρωπον ὅτι δῖνόσ τε ἔλαβε καὶ σκότοσ, καὶ ἐκαρώθη καὶ κατέπεσεν‧ τούτων δὲ οὕτω γιγνομένων, ἢν μὴ διαγινώσκῃσ εἰ ἔῤῬωγε τὸ ὀστέον, ἢ πέφλασται, ἢ καὶ ἀμφότερα ταῦτα, μήτε ὅλωσ ὁρᾷν δύνῃ, δεῖ δὴ, ἐπὶ τὸ ὀστέον τὸ τηκτὸν τὸ μελάντατον δεύσαντα, τῷ μέλανι φαρμάκῳ τῷ τηκομένῳ στεῖλαι τὸ ἕλκοσ, ὑποτείναντα ὀθόνιον, ἐλαίῳ τέγξαντα, εἶτα καταπλάσαντα τῇ μάζῃ ἐπιδῆσαι‧ τῇ δ’ ὑστεραίῃ, ἀπολύσαντα, ἐκκαθήραντα τὸ ἕλκοσ, ἐπιξῦσαι. Καὶ ἢν μὴ ᾖ ὑγιὲσ, ἀλλ’ ἐῤῬώγῃ καὶ πεφλασμένον ᾖ, τὸ μὲν ἄλλο ἔσται ὀστέον λευκὸν ἐπιξυόμενον‧ ἡ δὲ Ῥωγμὴ καὶ ἡ φλάσισ, κατατακέντοσ τοῦ φαρμάκου, δεξαμένη τὸ φάρμακον ἐσ ἑωυτὴν μέλαν ἐὸν, ἔσται μέλαινα ἐν λευκῷ τῷ ὀστέῳ τῷ ἄλλῳ. Ἀλλὰ χρὴ αὖθισ τὴν Ῥωγμὴν ταύτην φανεῖσαν μέλαιναν ἐπιξέειν κατὰ βάθοσ‧ καὶ ἢν μὲν ἐπιξύων τὴν Ῥωγμὴν ἐξέλῃσ καὶ ἀφανέα ποιήσῃσ, φλάσισ μὲν γεγένηται τοῦ ὀστέου ἢ μᾶλλον ἢ ἧσσον, ἥτισ περιέῤῬηξε καὶ τὴν Ῥωγμὴν τὴν ἀφανισθεῖσαν ὑπὸ τοῦ ξυστῆροσ‧ ἧσσον δὲ φοβερὸν καὶ ἧσσον ἂν πρῆγμα ἀπ’ αὐτέησ γένοιτο ἀφανισθείσησ τῆσ Ῥωγμῆσ. Ἢν δὲ κατὰ βάθοσ ᾖ καὶ μὴ ἐθέλῃ ἐξιέναι ἐπιξυομένη, ἀφίκει ἐσ πρίσιν ἡ τοιαύτη ξυμφορή. Ἀλλὰ χρὴ πρίσαντα τὰ λοιπὰ ἰητρεύειν τὸ ἔλκοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 14.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 14.)

상위

목록

SEARCH

MENU NAVIGATION