Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 13.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 13.)

Περὶ δὲ ἰήσιοσ τρωσίων τῶν ἐν τῇ κεφαλῇ, καὶ ὡσ χρὴ ἐξελέγχειν τὰσ πάθασ τὰσ ἐν τῷ ὀστέῳ γινομένασ τὰσ μὴ φανερὰσ, ὧδέ μοι δοκέει. Ἕλκοσ ἐν τῇ κεφαλῇ οὐ χρὴ τέγγειν οὐδενὶ, οὐδὲ οἴνῳ, ἀλλ’ ὡσ ἥκιστα‧ οὐδὲ καταπλάσσειν, οὐδὲ μοτῷ τὴν ἰήσιν ποιέεσθαι, οὐδ’ ἐπιδεῖν χρὴ ἕλκοσ ἐν κεφαλῇ, ἢν μὴ ἐν τῷ μετώπῳ ᾖ τὸ ἕλκοσ, ἐν τῷ ψιλῷ τῶν τριχῶν, ἢ περὶ τὴν ὀφρὺν καὶ τὸν ὀφθαλμόν. Ἐνταῦθα δὲ γινόμενα τὰ ἕλκεα καταπλάσιοσ καὶ ἐπιδέσιοσ μᾶλλον κέχρηται ἤ κου ἄλλοθι τῆσ κεφαλῆσ τῆσ ἄλλησ. Περιέχει γὰρ ἡ κεφαλὴ ἡ ἄλλη τὸ μέτωπον πᾶν‧ ἐκ δὲ τῶν περιεχόντων τὰ ἕλκεα, καὶ ἐν ὅτῳ ἂν ᾖ τὰ ἕλκεα, φλεγμαίνει καὶ ἐπανοιδίσκεται δι’ αἵματοσ ἐπιῤῬοήν. Χρὴ δὲ οὐδὲ τὰ ἐν τῷ μετώπῳ διὰ παντὸσ τοῦ χρόνου καταπλάσσειν καὶ ἐπιδεῖν, ἀλλ’ ἐπειδὰν παύσηται φλεγμαίνοντα, καὶ τὸ οἴδημα καταστῇ, παύσασθαι καταπλάσσοντα καὶ ἐπιδέοντα. Ἐν δὲ τῇ ἄλλῃ κεφαλῇ ἕλκοσ οὔτε μοτοῦν χρὴ, οὔτε καταπλάσσειν, οὔτ’ ἐπιδεῖν, εἰ μὴ καὶ τομῆσ δέοιτο. Τάμνειν δὲ χρὴ τῶν ἑλκέων τῶν ἐν τῇ κεφαλῇ γινομένων, καὶ ἐν τῷ μετώπῳ, ὅκου ἂν τὸ μὲν ὀστέον ψιλὸν ᾖ τῆσ σαρκὸσ, καὶ δοκέῃ τι σίνοσ ἔχειν ὑπὸ τοῦ βέλεοσ, τὰ ἕλκεα μὴ ἱκανὰ τὸ μέγεθοσ τοῦ μήκεοσ καὶ τῆσ εὐρύτητοσ ἐσ τὴν σκέψιν τοῦ ὀστέου, εἴ τι πέπονθεν ὑπὸ τοῦ βέλεοσ κακὸν, καὶ ὁκοῖόν τι πέπονθε, καὶ ὅσον μὲν ἡ σὰρξ πέφλασται, καὶ τὸ ὀστέον ἔχει τὸ σίνοσ, καὶ δ’ αὖ εἰ ἀσινέσ τέ ἐστι τὸ ὀστέον ὑπὸ τοῦ βέλεοσ, καὶ μηδὲν πέπονθε κακὸν, καὶ ἐσ τὴν ἰήσιν, ὁκοίησ τινὸσ δεῖται τό τε ἕλκοσ, ἥ τε σὰρξ, καὶ ἡ πάθη τοῦ ὀστέου. Τὰ δὴ τοιαῦτα τῶν ἑλκέων τομῆσ δεῖται. Καὶ ἂν μὲν τὸ ὀστέον ψιλωθῇ τῆσ σαρκὸσ, ὑπόκοιλα δὲ ᾖ ἐσ πλάγιον ἐπιπολὺ, ἐπανατάμνειν τὸ κοῖλον, ὅκου μὴ εὐχερὲσ τῷ φαρμάκῳ ἐφικέσθαι, ὁκοίῳ ἄν τινι χρῇ‧ καὶ τὰ κυκλοτερέα τῶν ἑλκέων καὶ ὑπόκοιλα ἐπὶ πουλὺ καὶ τὰ τοιαῦτα, ἐπανατάμνων τὸν κύκλον διχῆ κατὰ μῆκοσ, ὡσ πέφυκεν ὥνθρωποσ, μακρὸν ποιέειν τὸ ἕλκοσ. Τάμνοντι δὲ κεφαλὴν, τὰ μὲν ἄλλα τῆσ κεφαλῆσ ἀσφαλείην ἔχει ταμνόμενα‧ ὁ δὲ κρόταφοσ, καὶ ἄνωθεν ἔτι τοῦ κροτάφου, κατὰ τὴν φλέβα τὴν διὰ τοῦ κροτάφου φερομένην, τοῦτο δὲ τὸ χωρίον μὴ τάμνειν. Σπασμὸσ γὰρ ἐπιλαμβάνει τὸν τμηθέντα‧ καὶ ἢν μὲν ἐπ’ ἀριστερὰ τμηθῇ κροτάφου, τὰ ἐπὶ δεξιὰ ὁ σπασμὸσ ἐπιλαμβάνει‧ ἢν δ’ ἐπὶ τὰ δεξιὰ τμηθῇ κροτάφου, τὰ ἐπ’ ἀριστερὰ ὁ σπασμὸσ ἐπιλαμβάνει.

일치하는 문장이 없습니다.

SEARCH

MENU NAVIGATION