헬라어 문장 검색 - Ηιπποξ́Οευϝρεσ́12́04́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 4.)

Τιτρώσκεται δὲ ὀστέον τὸ ἐν τῇ κεφαλῇ τοσούσδε τρόπουσ‧ τῶν δὲ τρόπων ἑκάστου πλέονεσ ἰδέαι γίγνονται τοῦ κατήγματοσ ἐν τῇ τρώσει. Ὀστέον Ῥήγνυται τιτρωσκόμενον, καὶ τῷ περιέχοντι ὀστέῳ τὴν Ῥωγμὴν, ἀνάγκη φλάσιν προσγίγνεσθαι, ἤνπερ Ῥαγῇ‧ τῶν γὰρ βελέων ὅ τι περ Ῥήγνυσι τὸ ὀστέον, τὸ αὐτὸ τοῦτο καὶ φλᾷ τὸ ὀστέον ἢ μᾶλλον, ἢ ἧσσον, αὐτό τε ἐν ᾧπερ καὶ Ῥήγνυσι τὴν Ῥωγμὴν, καὶ τὰ περιέχοντα ὀστέα τὴν Ῥώγμήν‧ εἷσ οὗτοσ τρόποσ. Ἰδέαι δὲ Ῥωγμέων παντοῖαι γίγνονται‧ καὶ γὰρ λεπτότεραί τε καὶ λεπταὶ πάνυ, ὥστε οὐ καταφανέεσ γίγνονται ἔστιν αἳ τῶν Ῥωγμέων, οὔτε αὐτίκα μετὰ τὴν τρῶσιν, οὔτ’ ἐν τῇσιν ἡμέρῃσιν, ἐν ᾗσιν ἂν καὶ πλέον ὄφελοσ γένοιτο ἐκ τούτου τῷ ἀνθρώπῳ‧ αἱ δ’ αὖ παχύτεραί τε καὶ εὐρύτεραι Ῥήγνυνται τῶν Ῥωγμέων‧ ἔνιαι δὲ καὶ πάνυ εὐρέαι. Ἔστι δὲ αὐτέων καὶ αἳ μὲν ἐπὶ μακρότερον Ῥήγνυνται, αἳ δὲ ἐπὶ βραχύτερον. Καὶ αἱ μὲν ἰθύτεραί τε καὶ ἰθεῖαι πάνυ, αἱ δὲ καμπυλώτεραί τε καὶ καμπύλαι‧ καὶ βαθύτεραί τε ἐσ τὸ κάτω καὶ διὰ παντὸσ τοῦ ὀστέου, καὶ ἧσσον βαθεῖαι ἐσ τὸ κάτω, καὶ οὐ διὰ παντὸσ τοῦ ὀστέου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 4.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 4.)

상위

목록

SEARCH

MENU NAVIGATION